أحمد رمزي: أخطائي في "فخر الدلتا" شوفتها طبيعية لأنها أول تجربة ليا ومش مضايق من النقد

تحدث الفنان أحمد رمزي عن الانتقادات التي طالت مسلسله "فخر الدلتا"، مؤكدًا أن وجود أخطاء في العمل أمر طبيعي، خاصة مع كونه تجربة فنية في بداياته، مشيرًا إلى سعيه الدائم لتقديم الأفضل.

أوضح خلال لقائه في برنامج رايح ولا جاي عبر الراديو 9090، أنه كان يتمنى خروج العمل دون أي أخطاء، لكنه يدرك أن ذلك صعب، قائلاً: "في أخطاء؟ أه في أخطاء دي حاجة طبيعية جدا أنا شفتها بعيني أنا أول تجربة طبعا نفسي تبقى الحاجة مفيهاش غلطة دا اللي في خيالي نفسي أعمل دا وبسعى دايما لده ومكنتش بنام، طلع فيها أخطاء الحمد لله إن إحنا طلعنا التجربة للنور بإذن الله اللي جاي أحسن وأحسن، اللي انبسط بقى معانا مبسوط نضمه لينا واللي لسه متبسطش إن شاء الله أضمه لينا العمل اللي جاي"؟.

وأكد أحمد رمزي حرصه على قراءة جميع التعليقات التي تُكتب عن العمل، سواء كانت إيجابية أو سلبية، قائلا: "بقرأ كل التعليقات وزي ما هفرح بالإيجابي اللي عنده تعليق سلبي من حقه يكتبه يا أما هبقى منافق وعايز اقرأ الحلو وبس وأمثل في البيت بقى مع أبويا وأمي يفرحوا بيا العالم اللي بيحبك وعمره ما ينتقدك، عادي انتقد بأي طريقة أنا مش بيضايقني لو حد اتعصب حتى في النقد بتاعه هو كان عايز يشوف حاجة حلوة".

وأضاف أن تقديم عمل فني للتلفزيون يعني بالضرورة تقبل ردود فعل الجمهور المختلفة، قائلا: "أنت بتعمل مسلسل في التليفزيون عشان الناس تشوفه وبتحاول تقدم لهم حاجة ينبسطوا بيها فاستحمل أنت اخترت أن عايز تبقى نجم دا بيحفزني جدا على النجاح أكتر إن شاء الله اللي محبش دا بإذن الله ببذل كل المجهود عشان اللي جاي تحبه".

أبطال "فخر الدلتا"

يشارك في بطولة "فخر الدلتا" إلى جانب أحمد رمزي كل من كمال أبو رية، انتصار، حنان سليمان، أحمد صيام، نبيل عيسى، خالد زكي، أحمد عصام السيد، تارا عبود، علي السبع، أحمد هشام، وليد عبد الغني، سارة علاء، لينا إيهاب، وفرح عزت، وهو من قصة عبد الرحمن جاويش وإخراج هادي بسيوني.