ماضيك الأسود مش قصتي.. جيلان علاء تهاجم مدرس تنمر على أولادها

هاجمت الفنانة جيلان علاء إحدى المدرسين، بسبب تنمره على أولادها بعدما أعلنوا عن حزنهم الشديد لعدم سفرهم إلى بلجيكا فى رحلة مع مدرستهم. 

"أنا مش دافعة الفلوس دي علشان حضرتك تعايرهم"

ونشرت جيلان علاء، عبر حسابها الرسمي على موقع التواصل الاجتماعي "فيسبوك"، فيديو قالت فيه: "أنا لاقيت مدرس بيتريق على الأولاد علشان رحلة بلجيكا اتلغت وبيقول أنا زمان رحت السندباد".

"ماضيك الأسود مش قصتي"

وأضافت جيلان علاء: "اتكلم عن نفسك وأنا مش دافعة الفلوس دي كلها لأولادي علشان حضرتك تعايرهم بماضيك، أنت ماضيك أسود دي مش قصتي".

الأولاد كانوا حاطين أملهم في الرحلة"

وتابعت: "الولاد من حقهم يزعلوا إن رحلة بلجيكا اتلغت، طبعًا حقهم يزعلوا، يعني طول الفترة اللي فاتت دي حاطين أمل إنهم يطلعوا بلجيكا، وتيجي تقولهم السندباد؟ سندباد إيه؟"

دعوة جيلان علاء للتفاعل مع شكواها

واختتمت جيلان علاء حديثها مطالبة بالتفاعل مع شكواها ضد المدرس، وذلك لأنه يهدم نفسية الأولاد ويتنمر على أحزانهم.