عطار وعنبة يطلقون كليب أغنية "شارب الأصول"
يواصل المطرب الشاب عطار، الذي ينتمي لأصول مغربية من جهة والدته، خطواته بثبات في مشواره الفني، حيث طرح اليوم أحدث أعماله الغنائية بعنوان “شارب الأصول”، عبر موقع الفيديوهات الشهير “يوتيوب” إلى جانب مختلف المنصات الموسيقية ومواقع التواصل الاجتماعي ومحطات الراديو.
وتأتي الأغنية في شكل ديو يجمع لأول مرة بين عطار ومطرب المهرجانات مصطفى عنبة، في تعاون يُتوقع أن يحقق تفاعلًا واسعًا بين الجمهور.
- فريق عمل أغنية “شارب الأصول”
“شارب الأصول” من كلمات مصطفى حدوتة، وألحان عطار، بينما تولى التوزيع الموسيقي خوليو، وصدرت الأغنية بالتعاون مع شركة “ديجيتال ساوند”، في إطار خطة عطار لتقديم أعمال متنوعة تحمل طابعًا مختلفًا.
- كلمات أغنية "شارب الأصول"
شارب الاصول ف كوبايه
كان نفسي تشرب معايا
بس انت مش على هوايا
وعشان اجيب بي امايا
انا ابتديت ب تُمنايا
وعرفت اجيبها بشقايا
انا ف الشده شديد
وانت على قد الايد
اقعد ورا يابليد
انت ركنت بعيد
انتو بقالكو كبير
هخصملكو انا مدير
انتو في منكو كتير
هلس واخوكو تقدير
شغال بأيدي وسناني
وطلعت قد حلفاني
وبقيت مكانى ف العالي
والحلوه اللى سايبانى
مش عارفه برضو تنسانى
بتموت ولسه عايزاني
انا في القوة قوي
تاعب الكل قوي
معلم وانت صبي
تندب مين يا غبي
هقلبهالكوا جحيم
واطلع منها سليم
بابا تاريخي عظيم
عندي جديد وقديم
ماشي ف طريقي طوالي
والسهل كان ع شمالي
وعملت مش واخد بالي
مفيش ارقام بتغريني
مفيش اخصام تجريني
مفيش حريم تمشينى
انا في التقل تقيل
سندال وانت عويل
بشيل وانت تشيل
حجمك جنبي قليل
انا راجل كسيب
ودول تحت التدريب
حاضر عمرى م اغيب
وانت بدأت تخيب
