"بلاش أسلوب التهكم".. إنجي أباظة تدافع عن تامر حسني بعد تعرضه لانتقادات من طبيب شهير بسبب الفتنة الغذائية
دافعت الفنانة إنجي أباظة عن الفنان تامر حسني بعد تعرضه لانتقادات من الطبيب خالد منتصر عقب مناشدته لوزارة الصحة والسكان، وعدد من الأطباء الكبار من بينهم البروفيسور مجدي يعقوب طبيب القلب العالمي، بتقديم نصائح عن الأكلات المفيدة وطريقة التعامل مع الأدوية في ظل حالة الجدل التي أثيرت بسبب نظام "الطيبات" والذي تسبب في فتنة غذائية بحسب وصف الفنان.
وقالت إنجي أباظة في منشور لها عبر حسابها الرسمي على موقع التواصل الاجتماعي "فيسبوك": "الأستاذ الدكتور الذي تبرع بالرد على تامر حسني، تفتكر تامر حسني معندوش الوعي والثقافة علشان يبقى فاهم وعارف إن الدكتور مجدي يعقوب مش اختصاصه زراعة الخضار أو صناعة الدواجن!؟، واحد زي تامر حسني، سافر وراح وجيه، وعنده دكاترة تغذية كتير صحابه، مش هيقدر يوصل لمعلومة زي دي في ثواني؟".
وأضافت إنجي أباظة: "واضح جدًا، ومش محتاجة تفكير، إن تامر اختار دكتور يثق فيه ملايين زي الدكتور مجدي يعقوب كمثال، يوصل بيه فكرة إن إحنا كمصريين محتاجين حد يطلع يتكلم بشكل علمي نثق فيه، زي الدكتور مجدي يعقوب الذي أفنى حياته في العلم وما شاء الله مصر ولادة عظماء، لأن فعلاً فيه بلبلة وسوء فهم حاصل".
إنجي أباظة:: تامر بيحاول يتكلم بلسان ملايين وبلاش أسلوب التهكم
وتابعت: تامر بيحاول يتكلم بلسان ملايين بيحاولوا يفهموا الصح فين، وبيستخدم شهرته علشان يوصل حيرة عند ناس كتير مش هيعرفوا يوصلوا صوتهم بسهولة وأكيد مش قضية لبن بالفراولة ولا بالموز!!!، وصلتوا إن أي حد فنان أو عنده قدر من الشهرة بيخاف يتكلم، زيه زي أي مواطن، يخاف حتى يكون داعم أو وسيط للناس البسيطة .
واختتمت إنجي أباظة قائلة: بلاش أسلوب التهكم على حد بيحاول يساعد، حضرتك عايز تاكل بيض مدحرج كله براحتك، وسيب غيرك يحاول يساعدك ويقدر يتكلم من غير خوف”.
خالد منتصر ينتقد تامر حسني
وكان قد أثار الدكتور خالد منتصر، جدلا واسعا الساعات الماضية، بعدما وجه انتقادات للفنان تامر حسني بسبب ما طرحه من تساؤلات ناشد فيها وزارة الصحة والأطباء فيما يتعلق بالغذاء والدواء وبعض المفاهيم الصحية، معتبرًا أنها لا تستند إلى أساس علمي دقيق.
