أسما شريف منير: أنا وجوزي بنتخانق ونتصالح على نفس الكنبة والحياة مش بتمشي باللي عايزينه

تحدثت أسما شريف منير عن أن الحياة لا يمكن أن تسير على وتيرة واحدة، وستظل متقلبة، وذلك في رسالة لمتابعيها عبر حسابها الرسمي على "إنستجرام".

ونشرت أسما صور لها وعلقت عليها قائلة: "إحنا دايماً عايزين الفرح والسعاده والهدووء، ومش عايزين نزعل، ومش عايزين نبتلي أو نتوجع، مع إننا عمرنا ما هنفهم السعادة الحقيقية إلا لما نزعل، ولا هنعرف قيمة الصحة غير لما نتعب ونتعلم من الألم".

وأضافت: "الناس بتنسى وبتتاتاف النعم، وبتفضل تقسّم المشاعر، دي كويسة ودي وحشة، دي مقبولة ودي مش مقبولة، مع إنهم في الآخر كلهم مشاعر، وكلهم بيعلّموا، وكلهم مهمين".

أسما شريف منير: الحياة مش بتشتغل بالمنطق اللي إحنا عايزينه

وتابعت: "فا آه، يوم ببقي قاعدة مرتاحة ومفلسة، وساعات ببقي متعصبة وحد بيحكني، وساعات ببقي في يرم شغل جامد بحقق فيه حاجة حلوة وارجع على المستشفى، وساعات أنا وجوزي بنكون في سكينة وحب وتفاهم، وساعات بنتخاق وبنكون بعيد حتى لو على نفس الكنبة".

واختتمت: "ومش لازم يبقى في تفسير لكل ده أو سبب واضح، لأن الحياة مش بتشتغل بالمنطق اللي إحنا عايزينه، بتيجي زي ما هي، بتجمع فيكي فرح وتعب وحب وضيق في نفس الأسبوع، وساعات في نفس اليوم، وبرضو إنتي ماشية، وبرضو إنتي كويسة، وده مش تناقض، ده إنتي".