مسلم يطلق أغنية “طال بعدك” من ألبومه الجديد “وحشاني”

أطلق المطرب مسلم أحدث أعماله الغنائية بعنوان “طال بعدك”، وهي الأغنية الخامسة من ألبومه الجديد لعام 2026 الذي يحمل اسم “وحشاني”، والمكوّن من 10 أغنيات متنوعة، حيث تم طرحها عبر المحطات الفضائية المختلفة ومنصات التواصل الاجتماعي.

ويأتي طرح “طال بعدك” ضمن خطة إطلاق تدريجية لأغنيات الألبوم الجديد، الذي يواصل من خلاله مسلم تقديم ألوان موسيقية مختلفة تجمع بين الدراما والغناء الشعبي المودرن، في محاولة لتقديم تجربة موسيقية متجددة لجمهوره.

وكان مسلم قد طرح مؤخرًا عددًا من الأغنيات التي حققت تفاعلًا ملحوظًا، من بينها أغنية “سحابة صيف” من كلمات محمود عادل، وألحان كريم نيازي، وتوزيع موسيقي وميكس وماستر إسلام الأزرق.

كما طرح أغنية “بنلف وندور” من كلمات وألحان مسلم، وتوزيع موسيقي مهيب سليط، إلى جانب أغنية “ماتتحبيش” من كلمات حسام سعيد، وألحان عمرو الشاذلي، وتوزيع موسيقي وميكس وماستر محمد ياسر.

وقدم أيضًا أغنية “على كل حال” من كلمات زياد ياسر، وألحان مصطفى يسري، وتوزيع موسيقي وميكس وماستر تيام طارق، والتي لاقت صدى واسعًا بين جمهوره على مواقع التواصل الاجتماعي.

• كلمات أغنية طال بعدك لمسلم كالتالي:

طال بعدك عني و لو فاكر ، دا ماكانش كلامك

دا انا عيشتها ليك ، عيشت مقاسمك ف جميع احلامك

دلوقتي انا اقصى طموح ليا ، تتعاد ايامك

ولا قادر انسى ولا الايام عرفت ترضيني

قولي انت ازاي ارتاح لو روحي ، بعيد عن عيني

والله دا ظلم كبير ليا ، لو هانوا سنيني

عمال توحشني يوم عن يوم في قلبي و لسا على بالي

و لسا ماجيتش على بالك كإني غريب و مش غالي

عرفت القسوه امتى و فين ، تعالى و شوفني من غيرك

مجرد بس اشوف صورتك بتنزل دمعتي قصادها

خساره فراقنا ، و خسارتك مفيش انسان يعوضها

كفايه كلام زمان بينا ، لا يمكن اقوله انا لغيرك

من بعد ما كنت حياتك ، فجأه ، بقيت مش فيها

من بعد الفرحه حياتي ، خلاص ، الحزن ماليها

انا وحدي ، ماحيلتيش غير ذكرى ، بتونس بيها

لكن اصعب حاجه اتخيل ، ييجي غيري مكاني

و تحب جديد و تعيش وقتك عادي و تنساني

قولي انك فاكر ، قولي اننا راجعين من تاني

عمال توحشني يوم عن يوم في قلبي و لسا على بالي

و لسا ماجيتش على بالك كإني غريب و مش غالي

عرفت القسوه امتى و فين ، تعالى و شوفني من غيرك

مجرد بس اشوف صورتك بتنزل دمعتي قصادها

خساره فراقنا ، و خسارتك مفيش انسان يعوضها

كفايه كلام زمان بينا ، لا يمكن اقوله انا لغيرك.