أحمد سعد يفاجئ داعية انتقد مظهره برد غير متوقع
رد الفنان أحمد سعد على الانتقادات التي وجهت له من أحد الدعاة المعروفين على السوشيال ميديا، بسبب اللوك الذي ظهر به في الفترة الأخيرة، ووضعه بعض الحلي في دقنه، بطريقة فاجأت الجمهور والداعية نفسه.
رد أحمد سعد على الداعية مصطفى الزين
وانتقد الداعية مصطفى الزين، أحمد سعد بعد التصريحات التي أكد فيها أنه لا يفعل شيئًا حرامًا سواء بارتداء الحلي أو الملابس التي تضعه في شبهة التشبه بالنساء.
ووضح الزين لأحمد سعد أن تلك التصرفات فيها تشبه بالنساء وغير مقبوله في الدين الإسلامي، ما دفع أحمد سعد للتعليق على الفيديو بطريقة لاقت إعجاب واستحسان المتابعين والداعية نفسه، إذ علق سعد قائلًا: امين يارب.. أشكرك جدا يا أخي».
أحمد سعد والتشبه بالنساء
وكان أحمد سعد قد أكد في تصريحات مصورة، أنه لا يتأثر باللون أو النقد وأنه معتاد على هذا الأمر.
وتابع قائلا:«كلام الناس مبيشغلنيش ومبيزعلنيش ومبيضايقنيش والمشكلة مش فيا المشكلة في الناس بيحبوا يشوفوا حاجات غريبة عشان يتكلموا عليها، لما بلبس بدلة عمري ما شفت حد قالي الله إيه البدلة الجميلة دي، عايزين يشوفوا حاجة غريبة ليه لأ خلاص يلا بينا».
وأشار سعد: «مبعملش حاجة حرام أهم حاجة ميكونش حرام وميكونش ليه علاقة بالدين أنا مش متشبه بالنساء لأن مفيش نساء عندها دقن لحد دلوقتي يعني مش عارفين الموضة هتروح فين».
تفاصيل ألبوم أحمد سعد الجديد
على جانب آخر، طرح أحمد سعد «الألبوم الفرفوش» ويضم الألبوم الجديد 5 أغنيات هي "كوتي وجوزها وخبر عاجل وأوبا وورد" ويطلقها سعد عبر قناته الرسمية على موقع الفيديوهات يوتيوب ومنصات الموسيقى المختلفة.
كلمات أغنية كوتي
"أنا أبان من برايا ثابت
وكاريزما وعيل چان
واللي يشوفني يقول جامد
جامد وليه طلة جنان
ومحدش واخد باله
أن أنا محتاج لحنان
حد يطبطب ويدلع
ويهشك فيا كمان
نفسي حد يقولي يا كوتي
أتضايق يلعب ف خدودي
عشان طيب حظي النوتي
بردو منصفنيش
نفسي حد يقولي يا دودو
هو فين وأنا أشد خدوده
امتى يتقالي يا كوتو موتو
أصلي متقاليش
هو الكل بيتهشتك
وأنا مش بتهشتك ليه
حد هييجي يفهمني
ولا أسأل شات چي بي تي
ملقتش اللي يدلعني
باين حد مخبيه
مكتوبلي ابقي وحيد يعني
طب عارف نفسي ف ايه
نفسي حد يقولي يا كوتي
أتضايق يلعب ف خدودي
عشان طيب حظي النوتي
بردو منصفنيش
نفسي حد يقولي يا دودو
هو فين و أنا اشد خدودو
امتي يتقالي يا كوتو موتو
أصلي متقاليش".
