آثار الحكيم: الحجاب مش بالطرحة والقرآن الكريم كتاب تشريح للنفس البشرية

كشفت الفنانة آثار الحكيم موقفها من الحجاب، مثل الفنانة شادية والفنانة شمس البارودي، وكيف تفكر في هذا الأمر دينيا.

آثار الحكيم تكشف موقفها من الحجاب

وقالت آثار الحكيم في لقائها مع الإعلامية نهال طايل في برنامج تفاصيل: "ربنا يكرم الجميع.. الحجاب أن تحجبي آذيتك عن الجميع، الحجاب تحجبي ما يغضب الله ماتعمليهوش"

وتابعت الفنانة آثار الحكيم: "مش لازم ناخد قيمة عبادة جميلة زي دي بالشكل الخارجي نلبس طرحة أو ربنا يغفر للبنات لأن البنطلون حاجة صعبة، إحنا ربنا هيحاسبنا في 20 حاجة مش لازم كل حاجة أجيب فيها 100% لكن لازم أجتهد في كل الحاجات اللي ربنا يرضى عني ونبقى من أصحاب الجنة".

وأضافت الفنانة آثار الحكيم: "فربنا يكرمنا علشان الرحلة الثالثة اللي رايحيينها في القبر، حياة هنقابل أهالينا اللي سبقونا وهبقى شايفة مقعدي في الجنة زي ما ربنا ما قالي نحتسب أنفسنا من المؤمنين ودي رحلة طويلة جدًا من 100 ألف لـ 200 ألف سنة رحلة القبر أو روضة الجنة وبعدين الرحلة الأخيرة الرابعة في الجنة إن شاء الله خالدين فيها بلا حساب".

آثار الحكيم تناشد بحملات محو الأمية الدينية

وناشدت الفنانة آثار الحكيم بحملات محو الأمية الدينية، قائلة : "لازم نعرف لينا إيه وعلينا إيه لأن القرآن الكريم كتاب تشريح للنفس البشرية لأن ربنا قايل نعمل إيه ومنعملش إيه".

آثار الحكيم تتحدث عن الفن والدين

وأوضحت الفنانة آثار الحكيم في تصريحات تلفزينية سابقة علاقة الفن بالدين وانهما مترابطين كثيرا قائلة: "مفيش حاجة اسمها الفن حاجة والدين، حاجة، الفن مش حرام، إنما أى حاجة فى الدنيا تغضب ربنا حرام، الطبيب اللى بيعمل عملية والمريض مش محتاج العملية، حرام، والمهندس اللى بيبنى عمارة وميبقاش حاطط الأسمنت كويس، حرام، الحلال بين والحرام بين فى أى مهنة".

وكان ذلك الحديث على خلفية انتقادها لفيلم برشامة وما يحمله من إفيهات دينية تنافي إحترام الدين ووقاره وليس من المفترض إن ينم استخدامه من قريب أو بعيد لصالح الكوميديا أو لإضحاك الجمهور حتى لو لسبب فني.