مصطفى شعبان: الحب الحقيقي لا يتغير بعد الزواج بل يزيد
تحدث الفنان مصطفى شعبان عن الحب والزواج، وعن رأيه في العلاقة الزوجية، موضحا أن الحب الحقيقي لا يتراجع بعد الزواج إذا كان قائماً منذ البداية على الحب والاقتناع المتبادل.
مصطفى شعبان يوضح رأيه في الزواج عن حب
وقال الفنان مصطفى شعبان في مداخلة هاتفية مع برنامج "بينه وبينها"، الذي يقدمه أحمد الهواري ويُمنى عبر إذاعة "نجوم إف إم": الزواج طالما مبني عن حب واقتناع يزيد، أنا أكتر واحد ممكن يجاوب على السؤال ده خلي بالك، يعني بتسألي واحد لسه في الجواز عمره سنتين".
وأضاف الفنان مصطفى شعبان: "أنا بشوف والله الجواز طالما مبني في الأساس على الحب وعن اقتناع، فالاتنين بيزيدوا بعد الجواز، لكن لو اتبنى على حاجة واحدة من الاتنين ممكن التانية تختفي".
مصطفى شعبان: التفاهم والتوافق أساسيات لاستمرار الزواج
وتابع مصطفى شعبان: "يعني أظن الاتنين لازم يكونوا من البداية ومن الأول متوافقين ومتفاهمين؛ يعني لازم تكون حاسس بالحب وهي حاسة بالحب، ولازم تكون مقتنع بدماغها وهي مقتنعة بدماغك، فبيحصل كده اكتمال، بعد الجواز أظن بيبقوا الاتنين دول خلاص بقوا ثابتين وبيحصل زيادة عليهم بقى مودة وعشرة وخبرات وتجارب ونجاح وفشل وحاجات حلوة وحاجات تزعل، يعني لازم يكون فيه باكدج كده".
وأكد مصطفى شعبان: أن الأمر يتعلق بالتعبير عن المشاعر أكثر من تراجعها، قائلاً: "لا، ما هو لو الأساس فيه حب مش هتقولي كده، محدش هيقول كده أبداً، لكن ممكن يحصل، وإن لو المسؤوليات زادت أوي والواحد بقى ملخوم أوي؛ ممكن مش يقل الحب بس، ممكن يقل التعبير عنه، ممكن يحصل إنه يقل التعبير عنه".
مصطفى شعبان: المسؤوليات تقلل التعبير عن الحب
وأضاف مصطفى شعبان: "لو فيه إنسان مثلاً زادت مسؤولياته أوي، أو ضغوطاته، بدل ما كان بيعبّر عن حبه بنسبة مثلاً تسعين في المئة، ممكن تقل شوية؛ تبقى تمانين في المئة أو سبعين في المئة، أو العكس؛ يعني ممكن الزوجة أو الحبيبة تتشغل في أطفال أو في تربية أو مدارس أو كده، فممكن برضه هي يقل شوية؛ نظراً للضغوط، وعلى الطرف التاني إنه يتفهم الحكاية دي يعني".
واختتم مصطفى شعبان حديث عن الزاح قائلا: "أظن يعني إنه لازم الطرفين علشان الحياة تستمر، ومش بس الاستمرارية، هو الهدف النمو؛ إن الحاجة تنمو يعني وتزيد وتكبر، إنه يكون فيه مشاركة في الحلم ومشاركة في تنفيذه، ومشاركة في الصعوبات اللي بتحصل عليه، والصبر وطول البال".
زواج مصطفى شعبان من هدى الناظر
يُذكر أن الفنان مصطفى شعبان تزوج من هدى الناظر منذ أكثر من عام ونصف تقريباً، في أجواء بسيطة وهادئة بعيداً عن الأضواء والإعلام، خاصةً؛ وذلك لاان أن توقيت الزواج جاء بالتزامن مع مرض والده وتواجده في المستشفى.
