نيللي كريم: في شخص غريب هجم عليا في بيتي وكان بيراقبني
كشفت الفنانة نيللي كريم تفاصيل هجوم أحد الاشخاص عليها في منزلها السابق ومراقبته له لأيام، وطلبه منها الخروج معه، وترويجه لإشاعة الخطوبة والاتفاق على الزواج.
نيللي كريم تكشف تفاصيل محاولة الاعتداء عليها في منزلها
وقالت الفنانة نيللي كريم في تصريحات تلفزيونية: كان عندي شقة في الزمالك كنت عايشة فيها، كان في نفس العمارة معايا واحدة صاحبتي عندها جاليري فجبت من عندها حاجات وقالتلي أنا هبعتهالك مع حد ، فلقيت بعدها الجرس بيرن فبفتح الباب على أساس انه اللي بعتاه صاحبتي وفعلا لقيت راجل واقف بقوله انت تبع فلانة فبيقولي لا وبيبصلي كده وزانق الباب برجله ويقولي يلا ادخلي البسي عشان هنخرج.
وأضافت الفنانة نيللي كريم: فناديت الأمن وصوت طلع كان بيراقبني وعرف مكان بيتي وراح لصاحبتي وأقلها احنا مخطوبين وهنتجوز وعايز لنيللي هدية وكان هيهجم على الشقة لولا الأمن مشاه وبعت الشقة بعدها من الخوف والقلق.
نيللي كريم تفقد النطق بسبب أحد ادوارها
ومن ناحية أخرى أوضحت نيللي كريم أزمة فقدها للنطق بسبب أحد أدوارها قائلة:«وقت تصوير مسلسل سقوط حر.. كنا داخلين على شهر بنصور في العباسية.. والشخصية اللي كنت بصورها بقالها شهرين مبتتكلمش.. وفي مشهد الدكتور بيحاول يخليها تقول اسمها.. ودخلت كل تفاصيل الشخصية جوا دماغي.. المخرج قال أكشن مقدرتش انطق.. فقدت النطق فعليا.. استوعبت ده وبقيت أعيط خوفت إني معرفش اتكلم تاني».
أما عن السحر والحسد، حكت نيللي عن أحد المواقف التي تعرضت لها في طفولتها، إذ قالت:«كنت في الأوبرا بلعب بالية وجات فترة كل ما أروح صالة البالية اتمرن يحصلي حالة غريبة أعيط وأروح.. لما سافرنا روسيا صاحبة ماما قالتلها إن في جاره جنبها بتشتغل ممرضة روحيلها.. روحنا وابتدت تعمل حاجه بالشمع لمدة 4 أيام وقالت لماما إنها محسودة انها تكره أكتر حاجه بتحبها ورجعت مصر بقيت بني أدم طبيعي»
كما كشفت الفنانة نيللي كريم عن واقعة مرعبة تعرضت لها خلال فترة عملها في دار الأوبرا المصرية، مؤكدة أنها عاشت تجربة أثارت الخوف والقلق لديها بعدما تعرّضت لملاحقة من شخص غريب ادّعى أنه يعرفها منذ فترة طويلة واعتبر نفسه خطيبها، الأمر الذي دفعها في النهاية إلى الاستعانة بأفراد الأمن ثم اللجوء إلى الشرطة.
روت نيللي كريم تفاصيل ما حدث، موضحة أنها كانت في طريقها إلى دار الأوبرا في تمام الساعة الثامنة صباحًا، حيث كانت والدتها تعمل هناك، وفوجئت بشخص يناديها باسم “مريم”.
