بعد الخلع.. عمرو جابر يطرح مش "قادر أسامح"

طرح المطرب الشاب عمرو جابر أغنية جديدة بعنوان "مش قادر أسامح" من كلماته وألحانه، وذلك بعد أيام قليلة فقط من انتهاء زواجه بالخلع من البلوجر مرح عطية.

ولم تفصح مرح عطية عن أسباب القرار، مطالبة جمهورها باحترام خصوصية هذه المرحلة وعدم تداول أى تكهنات بشأن حياتها الشخصية.

وكتبت مرح عبر حسابها الرسمى على "انستجرام": "الحمد لله على كل حال كان إشهار عقد القران فى العلن فوجب إشهار الانفصال فى العلن، تم الخلع وأسال الله أن يكتب لنا الخير حيثما كان".

وأضافت: "أغادر هذه الصفحة بقلب مطمئن ويقين بأن ما عند الله خير وأبقى أرجو احترام الخصوصية والله خير الحاكمين".

وتفاعل جمهور عمرو جابر مع الأغنية بمجرد طرحها مما دفعه إلى كتابة تعليق على الفيديو بمنصة يوتيوب قال فيه:" شكرا على وجودكم دايما جنبي في الحلو والوحش".

وجاءت كلمات اغنية مش قادر اسامح كالتالي:

مش قادر أسامح

مش قادر أسيب نفسي لنفسي من ليلة امبارح

إزاي أنا قبلت إني أقلل من نفسي وأصالح

حد في يوم قرر يرميني، كان همه دايمًا يأذيني، كان على قلبي، وكان على عيني، بس خلاص، والله ما مسامح

كان نفسي تخوني في إحساسي إنك هتسيب

أحسن ما تخوني في إخلاصي، وفي لحظة تغيب

ده أنا كنت عايشلك، وبآمنك، بس أنت طلعت بجد مريض

شككتني فيا، وخلتني أغير حساباتي

خليتني بقيت كاره نفسي، ودمرت حياتي

دلوقتي أنا صعب آآمن قلبي، وأتعايش مع حد جديد

وأنا مش زعلان.. أنا بعدك يمكن أفوق، وأعرف إن أنا غلطان

وإن أنا قلبي ده مقامه غالي، وإني الكسبان

صدقني إنت اللي أكيد خسران، بكرامتي أنا همشي، ومش ندمان

وكان الفنان عمرو جابر قد طرح أغنية "كله قالى اشمعنى هو" تزامنًا مع عقد قرانه على البلوجر مرح عطية، والتى احتلت التريند حتى وقتًا قريبًا محققة 83 مليون مشاهدة.

وجاءت كلمات الأغنية كالتالى:

كله قالى اشمعنا هو

رد قلبى وقالى هو

داللى جوا القلب جوا

داللى داس عالناس بقوة

عقلى قالى استنى ثانية

ليه هنغلط غلطة تانية

قومت قايماله وقيلاله

لا دا بقا دا فى حتة تانية

حبيبى دااللى اعيش عمرى ليه

حبيبى نفسى افضل بين ايديك

واضمك ليا واحس بيك

يا بختى يا حظى الحلو بيك

معاك بنسى الدنيا ومافيها

و لو تزعل دا انا اجيب عاليها

واطيها وهى الدنيا فيها

جمال كدا لا مفيش كدا

سنين عمرى اللى جاية هعيشها

معاك وانا مش شوية عشانك

اهد الدنيا ديا

مين غيره هيتشرط عليا