يسرا اللوزي: مع بداية الأربعينات طريقة تفكير الست بتتغير
تحدثت الفنانة يسرا اللوزي خلال لقائها في برنامج "معكم" مع الإعلامية مني الشاذلي عن شخصية "داليا" التي قدمتها في مسلسل "كان يا ما كان"، كاشفة أنها تعاطفت معها منذ قراءتها للدور، مشيرة إلى أن الشخصية تعكس مشاعر يعيشها كثير من الأزواج رغم أن حياتهم تبدو مثالية أمام الآخرين.
تعاطفت مع دور داليا
وقالت: "دور داليا في كان يا ما كان أول ما قرأته تعاطفت معاها، بس مش عايزة الناس تزعل مني، أول حلقتين تعاطفت معاها لأن 50% من المتجوزين عندهم نفس الإحساس أنه ساعات الواحد ممكن يبقي في علاقة تبان مثالية من برا بس هو من جواه مش مبسوط".
كما كشفت الفنانة يسرا اللوزي عن التغيرات التي تمر بها المرأة مع التقدم في العمر، مؤكدة أن طريقة تفكيرها تتغير بشكل ملحوظ مع بداية الأربعينات.
الستات بتستحمل كتير
وأضافت: "عادة الست في أوائل الأربيعينات بيحصلها تغيير في طريقة تفكيرها، وإحنا صغيرين كستات بنستحمل كتير، بنيجي على نفسنا كتير، دايما بنحاول نرضي كل الناس على حساب سعادتنا إحنا، فالست بعد الأربعين الست بتبدأ تحس أن حياتها ضاعت فتبدأ تاخد قرارات جذرية".
تصريحات يسرا اللوزي في برنامج “كلمة أخيرة”
وعلى صعيد آخر كانت تحدثت الفنانة يسرا اللوزي عن علاقتها بابنتيها وكيف تتعامل معهما، وذلك خلال لقائها مع الإعلامي أحمد سالم في برنامج "كلمة أخيرة" عبر قناة ON
وقالت يسرا اللوزي:"بحاول أعلمهم إزاي يحسوا بيا، بحاول اوريهم ضعفي يشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية بدأوا مؤخرًا يفهموا أنهم يدوني مساحة، لأن في وش تاني بيظهر غصب عنك، الوش ده فيه زعيق كتير.. الواحد لما يكون مش نايم ومتوتر مابيكونش أحسن نسخة من نفسه وأنا مش عاوزة أرويهم النسخة دي فبقرر أني أبعد".
وأضافت يسرا اللوزي: “زمان مكانش عندي الخبرة دي، زمان كان غصب عني ممكن اتعصب ومش عاوزة يجيلهم تروما أنا بفضل استحمل وبعدين افرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي المرحلة دي ابعدي، وارجعي لهم علشان يكون عندهم ذكريات كويسة.”.
وأشارت يسرا اللوزي إلى أن هذا الجيل لديه وعي أكثر بكثير من الأجيال السابقة: “الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال".
وأكملت:" أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها”.
