"هو الطبيب بيشتغل عشان المريض ولا الشهرة".. رد الدكتور خالد منتصر على جمال شعبان بعد التعليق على لوجين خليفة

نشر الدكتور خالد منتصر عبر حسابه الشخصي على فيسبوك ردًا على كلام الدكتور جمال شعبان عن لوجبن خليفة، قائلًا: "لوجين بنت جميلة في كل حالاتها، سواء في الطب أو الفن".

مشاهير يضرب بها مثل على شهادتهم

واستشهد بعدد من الشخصيات العالمية، قائلًا: "كريستيان برنارد أول جراح زرع قلب في العالم لو مشي في الشارع جنب أنجلينا جولي، كل الناس في أوروبا وأمريكا حتروح تتصور مع أنجلينا جولي".

وأضاف: "سولك اللي أنقذ العالم من شلل الأطفال لو كان دخل مطعم ودخل ميسي أو محمد صلاح قعد على الترابيزة اللي جنبه، كان مدير المطعم حينسى يقدم له الأكل أصلًا، وشينازي بتاع السوفالدي لو دخل مستشفى بتعالج الكبد وتوم كروز دخل يعمل تحاليل، شينازي نفسه حيجري يسلم عليه وياخد سيلفي".

خالد منتصر يتساءل: الطبيب بيشتغل عشان المريض ولا الشهرة؟

تابع الدكتور خالد منتصر: "إيه اللي جاب القلعة جنب البحر، وإيه اللي جاب أبو قرش على أبو قرشين"، وتساءل: "هو الطبيب بيشتغل عشان المريض والشفاء ولا عشان اللقطة والشهرة؟".