أشعر بالغثيان تجاهه.. هجوم لاذع من عفاف مصطفى على مدحت تيخا
وجهت الفنانة عفاف مصطفى رسالة حادة للفنان مدحت تيخا، على خلفية أزمته مع المنتج عوض ماهى.
وقالت عفاف مصطفى عبر حسابها على موقع فيسبوك:"أتبرأ من أنطق بكلمة زميل لأنك لا تستحقها.. تصرفاتك الغير محسوبه تدل علي مرض جواك انت مصاب به ولازم تتعالج ... كل أصحاب الفضل عليك داير كل شويه تشهر بيهم يا سواد السنين جوه قلبك يا آخي".
وتابعت:"مش هقول إسمك لإحساسي بالغثيان تجاهه والله و نعطي كل ذي حقاً حقه تجاه الرجل المحترم بزياده الفاضل اللي خططت لاذيته في سيرته الطيبه الناصعه الأستاذ / عوض ماهر.. الراجل اللي فضله عليك وانت تعلم جيداً انه من انبل الناس تعاملاً وخلقأ وسيرته الذكيه تسبقه غصب عنك يا مؤذي".
واضافت:"يا واد ده اللي اذيته ده هو أول الناس اللي دعموك و طلعك علي إيديه لما كنت مغمور وساعدك بدال المره عشرات والكل يعلم ذلك وكنت بتاخد حقوقك الماديه عن كل عمل من كل اعماله بما يرضي الله لأنه راجل نزيه وشريف وسيرته العطره لا يختلف عليها أحد في المجال الفني.. مش قادر تنتظر علي الدفعه الأخيره من مسلسله الأخير وعايز تحبسه وتشوه تاريخه.. عيب عليك.. إيه موضوعك.. كل شويه تتفنن وتشوه صورة ناس من كريرك كل ذنبهم إنهم ساندوك.. (( حقيقي إتقي شر من احسنت إليه ))".
وأكدت:"دي مش اول مره تعملها يا مش زميل.. سبق كتير تكتب علي صفحتك تهاجم منتجين ومخرجين أفاضل محترمين يا ما ساعدوك في الظهور والشغل.. روح اتعالج وإرمي بلاويك بعيد عن المحترمين الملتزمين بشهاده الجميع ..ضميرك ميت طول الوقت معقول ؟؟؟ تتلزز بالأذيه وخصوصاًً الشرفاء واللي ساعدوك بالذات بالذات".
واختتمت:"إن دل فإنما يدل علي مشكله جواك انت محتاجه علاج نفسي لأن الناس المحترمه الملتزمه ملهاش ذنب والله .. كرهتك لانك شر يتحرك بين الناس .. روح يا شيخ ربنا وحده يشوف شغله معاك ..اللهم إكفنا و إكفي الناس شرك".
وكان مدحت تيخا قد حصل على حكم قضائي ضد المنتج عوض ماهر على في قضية مستحقاته المتبقية.
وقال مدحت تيخا إنه وافق منذ البداية على تقاضي ربع أجره فقط دعمًا للمنتج، باعتباره أول تجربة إنتاجية له، إلا أنه فوجئ بعد انتهاء التصوير بحصوله على شيك دون رصيد مقابل باقي مستحقاته.
واستكمل: "كل ما أروح أصرف الشيك ألاقي مفيش فلوس، ولما أكلمه يقولي أسبوعين أو يومين، لحد ما سنة جابت سنة".
وأوضح أنه اكتشف لاحقًا أن صلاحية الشيك القانونية تنتهي بعد ثلاث سنوات، وعندما طلب من المنتج تجديد الشيك أو منحه مستحقاته المالية، قوبل بالرفض، وهو ما دفعه إلى اللجوء للقضاء حفاظًا على حقه.
