مفاجأة حول وفاة زياد الرحباني تكشفها شقيقته ديما
فجرت ريما الرحباني ابنة الفنانة فيروز وشقيقة الموسيقار الراحل زياد الرحباني مفاجأة كبيرة حول فاة الأخير، مؤكدة أن سبب الوفاة ليس كما هو معلن، ولذلك بعد ما يقارب من العام على رحيله.
هل الأهمال الطبي سبب وفاة زياد الرحباني؟
وأكدت ريما أن سبب وفاة شقيقها إهمال الطاقم الطبي في ذلك الوقت.
وكتبت ديما عبر حسابها على موقع التواصل الاجتماعي فيسبوك:"زياد ما فَل مِن كِبدو ولا مِن البَنكرياس.. زياد ما كان وِصِل عا مَرحلة زَرع الكِبِد.. زياد ما معاوِز مصريَّات حدا، لا دولة ولا غير دولة.. وأكيد مِش لمِّيِة حدا! يا عيب الشوم".
وتابعت:"زياد إمّو وإختو معو وحدّو من أوَّل العُمر لآخِر العُمر.. زياد ما إستَسلَم ولا زِهِق من الحَياة ولا قرَّر يفِل
زياد ملَقَّط بالحياة وبيحِب الحياة وبيخاف من المَوْت
وبيخاف عا حالُو.. زياد مؤْمِن ثَوْرَجي. إيمَانو أَقوَى مِن إِيمَانْ المؤْمِنين بيدُون تسَاؤُلات".
وأضافت ديما:"زياد كان يردِّد السلامُ علَيكي يا مريم كِل الوَقت من ١٥ سِنة.. قدّام اللي بيحِس بيحبُّوه بلا ولا شي، اي قدَّامنا.. زياد سَكَن معنا بعد آخر حَفلة عِمِلها بِ رَحبِة، زياد الثَوْرجي اللي بأوّل طَلِعتو تَرَك البَيت، وما عاد رجِعلُو، لمّا حَسْ حالو تِعبَان خاف يِبقى وحْدُو.. وفَضَّل يِبقى مَع أهلُو اللي هنِّي نِحنَا.. يعني ما إسْتَسلَم إلا لَحُب إمّو وإختُو وإختُو قَبل إمّو لأن بيَعرِف إنّو الإم، إم! بِتحِب بيدون قَيد أو شَرط ما بيهمّا تِفهَم ما بيهِمّا إلا تحِب وما بتعرِف إلا تحِب.. بينما إختو بتِفهَمو بِتْحِس مِش بَس معو بِتحِس مِتلُو وبيدون كلام وبتحِسُّو بِصِدق بيدون شَرْح وهيْدا اللي كان بِحَاجِة إلو".
ديما الرحباني: زياد راح غلطة
وأكدت:"زياد راح غَلطة أو إهمالْ طُبّي من حُكما آمَن فيهُن وكان يُرفُض بشَكل قاطِع يستَشير غيرُن، وهنّي يَبدو ما آمَنو فيه! إِهمال أو غَلطة، غَلطة كبيرة كتير.. الله لا يسامِح اللي كان السَبَب مع إِنّي مَسيحيًّا لازم سامِح بس لأوّل مرّة مش قادرة.. لأن زياد ما كان بيِنغَلَط معو، مش زياد اللي بيِنغَلط معو حتّى لو كَان مريض عنِيد ومِتعِب".
واختتمت:"بفَضّل إِكتِفي بهَالقَدْ لأن أساسًا كل هَيدا ما كان بيِعنِي حداً بس لما تِكتر الأقوال والخبَرِيّات.. وتِتثَبَّتْ لازم صاحِب الحَق يصحِّحَا.. فا رَحْ إكتِفي بالعَناوِين، وانشالله ما إضْطَر ولا يَوْم للنَشْرة الكامِلة".
