أسما إبراهيم تكشف سر إخفاء زوجها لسنوات: “جوزوني مصر كلها والوطن العربي”
كشفت الإعلامية أسما إبراهيم تفاصيل جديدة عن سبب عدم إعلان هوية زوجها لسنوات، مؤكدة أنها كانت متزوجة قبل دخولها مجال الإعلام، وأن ما تردد حول زواجها بعد شهرتها دفعها في النهاية للكشف عن هويته.
وقالت أسما: “أنا متأخرتش في الإعلان، أنا متجوزتش راجل تاني، ده جوزي اللي أنا متجوزاه من قبل ما أدخل الميديا”، مضيفة: “الإشاعات دي كانت دافع إني أعلن إن ده جوزي وأبو ولادي، اللي أنا متجوزاه من 2015”.
وتابعت: “جوزوني مصر كلها والوطن العربي، وأنا كشفت عن هويته لما لاقيت الموضوع داخل في سكة مش حلوة، وفي ناس بتستخدم ده غلط وبتأفور”.
وأكدت أسما أنها تفضل الفصل بين حياتها المهنية وحياتها الأسرية، قائلة: “سبونا نعيش حياتنا، أنا أسما لوحدها براحتكم، لكن أسما أم وزوجة لا”.
