"مش خايف من الموت".. توفيق عبدالحميد يفتح النار على مروجي شائعة وفاته للمرة الثانية(خاص)

خرج الفنان توفيق عبدالحميد عن صمته بعد تداول شائعة وفاته للمرة الثانية، مؤكدًا أنه لا يخشى الموت، لكنه يشعر بالانزعاج من حالة القلق والرعب التي تتركها تلك الشائعات لدى أسرته ومحبيه.

وقال توفيق عبدالحميد في تصريح خاص لموقع "كارفان": "أنا مش خايف من الموت وعارف إنه هيحصل عاجلًا أم آجلًا لأنه قدر وهيحصل، والموت علينا حق، مفيش حد هيأخره ولا يقدمه".

وأضاف: "اللي بيفرق معايا كم القلق اللي بيكون مصاحب للشائعة، بيكون في قلق ورعب للناس اللي بتحبك، والناس اللي عايزة تطمن، وده بيسبب ضرر وإزعاج شديد جدًا".

توفيق عبد الحميد يحذر مروجي الشائعات برسالة حادة

وأشار إلى إمكانية اتخاذ إجراءات قانونية ضد مروجي الشائعة، موضحًا: "أنا عارف إنه قانونًا ممكن أتبع صاحب الشائعة، لكن مش هستفيد حاجة لو صدر عليه حكم قضائي بالحبس، ومش هرتاح لحاجة زي كده".

واختتم حديثه متسائلًا: "ليه هو معندوش نفس الوازع الأخلاقي والضمير إنه ميتسببش في الرعب والقلق اللي بيحصل لغيره؟".