إني مغلوب فانتصر.. أول تعليق من ريهام سعيد بعد قرار منعها من الظهور
ناشدت الإعلامية ريهام سعيد الرئيس عبد الفتاح السيسي بعد قرار منعها من الظهور على الشاشة لمدة شهرين.
وكتبت ريهام سعيد عبر حسابها على فيسبوك:"ايه الظلم ده . لا ده مش ظلم عادي . ليه بتكرهوني في بلدي ؟؟؟؟؟؟ بلدي الي بحبها و بحبها اوي كمان . كفايه ظلم كفايه . مره شتمت التخان و أنا عامله اكبر حمله لمواجهة السمنه اتوقفت سنه عارفين يعني ايه سنه ؟؟؟؟ و كل شويه وقف. وقف وقف وقف . ليه عايزه اعرف ليه أنا مش بعمل حاحه غير بخدم بلدي و اهل بلدي . مهنيا مفيش غلطه".
وتابعت:"واحده شتمتني علي قناه تليفزيونيه رايحه جايبه سكرين شوت لحاجه مش علي صفحتي و بتقول اني شتمتها فرضنا ان رديت الشتيمه و ده اكيد حقي مع اني ماعملتوش و لا عندك اي إثبات اني عملته . طب وقفتوني شهر عشره الي فات ليه شهرين ؟؟؟؟؟؟؟؟؟ من غير سبب.. ايوه قالوا لي كده من غير سبب.. تامر امين غلط في الصعايده وقفتوه ٣ شهور و ياسمين استضافت هدير و عملوا لقاء مشين اتوقفت ٣ شهور توقفني شهرين عشان بوست وهمي و في الآخر دي خناقه شخصيه أنا ماطلعتش علي وسيله اعلاميه".
وأضافت:"دلوقتي جاي يتوقفني و بتقطع رزقي و بتضيع برنامجي و بتضر القناه عشان علي حد قولاك أنا رديت في بوست ؟؟؟؟ با انت بتتلكك لي . زي ما وقفتني شهر عشره الي فات من غير اي سبب . بتعاقب علي اني رديت شتيمتي مع انه ماحصلش و باكد انه ماحصلش توقفني شهرين؟؟؟؟؟؟؟؟؟ أنا محصليش حاجه في ابلد دي غير اني اتظلمت و بتظلم . الباشمهندس خالد هل عفويه واخده ست عندها ٣ أولاد بتعولهم و عندها مسؤليات كتيره جدا جايه تشتكي للك اتشتمت توقف برنامجها ؟؟؟؟ هو أنا غلطت في شغلي ؟؟؟؟؟؟؟؟ لو سميناها خناقه ستات مع اني ماعرفهاش و لا عايزه اعرفها ايه دخل البرنامج".
وأكملت:" حضرتك بتضر ليه قناه النهار ؟؟؟؟؟؟؟ ليه ؟؟؟؟ حضرتك وقفتني شهرين السنه فاتت من غير اي سبب و سالت ليه قالوا اسكني هو كده و سكت مش قادره خلاص كفايه ظلم كفايه . مفيش حد في العالم بيعمل كده . و لا الإمارات و لا السعوديه و لا اي بلد عربي و لا الأجانب . عشان حد يوقف حد عن اكل عيشه و شغله دي حاجه كبيره اوي ازاي عندكوا سهله كده ؟؟؟؟؟ و ماعملتش و لا حاجه مصر كلها شاهده ان البرنامج ملتزم التزام رهيب بالأكواد و من احب لبرامج لقلوب المصريين".
وقالت سعيد:"انا رحت اشتكيت للمجلس فمدام سميره الدغيدي الي هي عدوتي اللدود قدمت ورقه مطبوعه مفبركه بتقًول اني رديت و شتمت ياسمين علي صفحتي كتابه فين اليويست ده محدش شافه غيرها و حتي لو رديت و حتي لو شتمت مع انه محصلش ده ايه علاقته بمهنيتي ؟؟؟؟؟؟؟؟؟؟؟ ايه علاقته ييرزفي ورزق أولادي ؟؟؟؟؟؟؟؟فالمجلس قرر يلغي برنامجي . أنا شايفه انكوا تقتلوني و تخلصوا مني احسن لانكوا دمرتوا بني أدمه بدل ما كل شويه وقف وقف وقف وقف من غير اي سبب . ظلم ظلم ظلم وقرار ظالم .الي جمهوري الحبيب أنا ست مظلومه و انظلمت كتير و بتظلم أنا اتبهدلت .اتحبست زي المجرمين ٥٥ يوم و أنا لسه ابني عنده شهر لحمه حمرا من غير اي رحمه و برضع و حبستوني من غير ما اعمل حاجه و ليه اتحبس و أنا شخصيه عامه و مفيش عليه حاجه و لا أدانه و لا حكم و طلعت براءه من اول يوم لأني أصلا كنت بولد مش موخوده في الشغل . فنانين اتمسكت بمخدرات ماقعدتش في الحبس يوم واحد . و اتوقفت و حصل لي حاخات محصلتش لحد و أنا عمري ما عملت غير كل خير . أنا لو في اي مكان تاني كنت اتكرمت مليون مره . يا خساره يا مصر زعلانه منك اوي".
واختتمت:"حسبي الله و نعم الوكيل . رينا قوف الكل رينا فوق الكل رينا فوق الكل ربنا فوق الكل . قادر علي كل شيء . قادر يرجع لي حقي و الله قادر اقسم بالله قادر و هاتشوفوا . ده افترا و ظلم و خلاص سكت كتير عشان كنت خايفه علي ولادي عشان ممكن ماعرفش اشتغل تاني بس خلاص مش هاسكت . كفايه ظلم لمًواطنه مصريه اسمها ريهام سعيد . كفايه".
وناشدت الرئيس السيسي قائلة:"سياده رءيس الجمهوريه عبد الفتاح السيسي أنا تعبت من حملات التشويه و الحرب و الوقف و السجن بدون اي سبب . أنا ست مصريه بستنجد بيك . أنا انظلمت كتير اوي كفايه مش عارفه مين الي بيعمل معايه كده مين . مانعتوني من الشغل و كل شويه اتوقف محدش هايبقي عايز يتعامل معايه طب اعمل ايه عندي ٣ أولاد . و ماغلطتش نص غلطه نص غلطه بالعكس عملت حاخات كتير اوي توي كويسه البلد و الناس و ده واجبي . أنقذني من فضللك . أسيب مصر طيب ؟؟؟؟ اروح فين ؟؟؟؟ تعبت . تعبت اوي . طب موتوني احسن او أنا ممكن اموت نفسي عشان اخلص . تعبت . تعبت و خلاص احساس الظلم ده مميت . أنا من افضل الإعلاميات في مصر والمصريين عارفين مهنا تعملوا هنا عارفين . و فوقهم ربنا عارف و شايف . أنا بختصم كل الي اخد قرار يأذيني و ياذي عيالي يوم القيامه . رجع لي حقي يا ويرجع لي حقي يا رب . حسبي الله و نعم الوكيل . يا رب انت كبير و عظيم واقوي م اي حد . يا ودود يا عزيز يا غفار أريهم قدرتك في أنصاف المظلوم . اني مغلوب فانتصر".
