إنجي وجدان: تامر وشوقية كان أيقونة للكوميديا| خاص

أعربت الفنان أنجي وجدان، عن سعادتها البالغة بأعادة تداول مشاهد من مسلسل “تامر وشوقية”، والذي عرض عام 2006.

وقالت أنجي وجدان في لقاء خاص مع كارافان: “مسلسل تامر وشوقية كان أيقونة من الكوميديا فلازم هيفضل موجود عمره ما هيموت هيفضل موجود واكتشفت إن الجيل الصغير بدأ ، يتفرج عليه ثاني فده كويس حلو جدا آه”.

حقيقة إعادة تقديم مسلسل تامر وشوقية

وفي سياق متصل أكدت أنجي وجدان، عن استحاله إعادة تقديم فكرة مسلسل تامر وشوقية مرة أخرى، او تحويله إلى فيلم سينمائي، قائله: “لا تامر وشوقية خلاص جاب آخره يعني هو كان حلو في وقته في طريقته بحاجته ما ينفعش أكتر من كده فيه خلاص”.

تعليق أنجي وجدان على أزمة محمد رمضان

وعلى صعيد أخر علقت الفنان إنجي وجدان، على أزمة نجل الفنان محمد رمضان، مشيرة إلى أن ابنائها أعضاء في النادي الذي حدثت فيه الواقعة، قائله: “ اللي حصل كان موضوع كبير وأنا أولادي في نفس النادي فهو الموضوع كان كبير وسمعت من ناحيتين حاجات بس أنا ما أقدرش أحكم و بس هو للأسف لازم يبقى دايما في أكشن”.

وتابعت أنجي وجدان، قائله: “مش موضوع فنانين بس هو الموضوع بقى فيه مشكلة في الأتيتود والتربية ودي بشوفها كل يوم لأن أنا مع أولادي في النادي وفي التمارين في المدارس في الحاجات دي في مشكلة عامة في التربية”.

الجيل الحالي في مشكلة كبيرة بسبب التربية

واختتمت أنجي، تعليقها، قائله: “في مشكلة عدم احترام الكبير بقت موجودة جامدة قوي وعدم احترام بعض والتنمر، يعني بقى في مشاكل كثيرة جدا معرفش إيه حلها بس هو الجيل الحالي عنده مشكله”.