تعرضت للاختناق أثناء القيادة.. منة عدلي القيعي تكشف تفاصيل أزمتها الصحية
تعرضت الشاعرة الغنائية منة عدلي القيعي الفترة الماضية، لمعناه مع ضيق التنفس ونوبات اختناق منذ 7 أشهر مضت، مشيرة إلى أن هذه الحالة تسبب لها في حادث سير كاد أن ينهي حياتها.
وكتبت منة عدلي القيعي، منشر عبر حسابها الرسمي على موقع التواصل الاجتماعي “إنستجرام”، سردت فيه تفاصيل حالته الصحية وامعانتها من ضيق التنفس وحالات الاختناق، كاتبه: “حكاية ماكنتش ناوية احكيها.. بس هحكيها.. من ٧ شهور وإحنا لسه بنسخن عشان نحضر لشغل رمضان، حسيت بصعوبة في التنفس كانت بتزيد كل يوم إلى أن تحول الموضوع لنوبات اختناق تقريبا.. كانت بتتسبب في تسارع في ضربات القلب توصل لـ ١٨٠ أو ١٩٠ وأوقات كتير الموضوع كان بيطول كنت بحس إني مش هعديها”.
وأوضحت منة عدلي القيعي: “بعد شهر واتنين من الفحوصات والتشخيصات المختلفة جالي نوبة من دول وأنا سايقة وتسببت في حادثة كانت صعبة شوية، راحت فيها عربيتي والحمد لله برضه نجوت منها بإصابات خفيفة وكنا بنحمد ربنا ألف حمد… بعدها الأمور تدهورت أكتر، والنوبات كانت بتوصل لمرتين و٣ و٥ في اليوم الواحد، فيه أيام كنت بوقف عربيات ناس ماعرفهاش في الشارع واقولهم خليكوا معايا من الخوف”.
وفي سياق متصل كشفت منة عدلي القيعي في منشورها تفاصيل رحلة علاجها: “ابتديت رحلة علاج طبيعي للتنفس وكنت حرفيا بتعلم إزاي اتنفس من الأول، واليوم اللي كنت بتنفس فيه صح لدقيقة متواصل كنت بعيط من الفرحة.. ويوم بيعدي ويوم أحس أنه مابيعديش لحد ما وصلنا لهنا”.
وأضافت منة عدلي القيعي: “الـ ٧ شهور دول هما اللي ربنا كرمني فيهم بالأغاني دي… صاحبي يا صاحبي وكل سنة وتقابل حبيب وإلى أخره من الشغل اللي اتعرض في رمضان 25، أغاني منهم اللي اتكتبت وأنا في مستشفي واللي اتكتبت وأنا على جهاز تنفس واللي اتكتبت وأنا بعيط … فيه ايام من الإحباط كنت بفكر أبطل أحاول أخف، بس عمري ما فكرت أبطل كتابة، وكنت بدعي ربنا يكرمني ويجازيني وكنت بكلمه وأقوله يارب وقفني ووقفني على رجلي تاني”.
وانهت منة عدلي القيعي حكايتها، كاتبها: “اللهم لك ألف حمد وشكر 7 جوايز حصيلة 7 شهور مروا بكرم الله ولطفه… (فيه جايزتين مش معايا).. شكرا لأهلي وعيلتي وجوزي وصحابي والناس اللي اشتغلت معاهم كلهم…طلعت عنيكوا وقلقتكوا وعملتلكوا إزعاج واستحملتوني… شكرا من كل قلبي”.
