بعد أحمد عامر.. فارس حميدة يطالب حمو بيكا بحذف أعمال علي قدورة
وجه المطرب المعتزل فارس حميدة انتقادات لمطرب المهرجانات حمو بيكا، وذلك عقب تصريحاته بشأن حذف بعض الأعمال الفنية للراحل أحمد عامر، ودعاه لاتخاذ نفس الخطوة مع الأغاني التي شارك فيها علي قدورة بعد إعلان توبته.
أشار فارس حميدة، من خلال منشور على صفحته الرسمية، كاتبًا: "سمعت فيديو حمو بيكا وهو بيقول أنا مامسحتش المهرجانات اللي عندي أنا والمرحوم أحمد عامر علشان حرام، أنا مسحتها علشان خلاص دا راجل اتوفى وملهاش لازمة، وبيقول أنا ماعتزلتش ومش هعتزل، إحنا مش بنعمل حاجة غلط ولا بنعمل حاجة حرام".
وفس سياق متصل أوضح فارس حميده: كاتبًا: "يعني مامسحتهاش علشان حرام، يعني كنت بتاخد اللقطة يعني ولا إيه؟ ما يا جماعة أنا عاوز أقولكم إن أصلا المهرجان ولا المهرجانين اللي كانوا عند حمو بيكا حجات مش جايبة مشاهدات، يعني ولا عاملة تريندات لو كانت مهرجانات من اللي جايبة ملايين المشاهدات عندك كنت هتمسحها بردو!!".
دعوة لحذف أعمال علي قدورة
كما طالب فارس حميدة بحذف الأغاني التي شارك فيها الفنان المعتزل علي قدورة، مؤكدًا أن استمرار بثها لا يتماشى مع موقف قدورة الذي أعلن تبرؤه منها، متسائلًا عن منطق استمرارها رغم تراجع صاحبها عنها.
اختتم فارس حميدة حديثه كاتبًا: "أظن ملهاش لازمة وجوده في المهرجانات برضو، ثم إن هو إيه اللي مش حرام ده لو أنت هتتكلم مثلًا زي اللي بيتكلموا في خلاف تحريم الموسيقى علشان يرضوا هواهم، فا أنتم كل اللي بتقولوه حرام تحريضاتكم وإيحاءتكم وكل حاجة بتعملوها حرام في حرام".
وأضاف فارس: "مش المصيبة إنك ترتكب ذنب أو تعصي الله، المصيبة إنك تستحل ده وإنك ترضي هواك إن ده مش غلط، فتكمل في المعصية وأنت مطمن، بل تطلع تضل الناس كمان أنت إعمل اللي أنت عايزه، لكن ما تضلش الناس؛ لأن اللي عندك ومتابعينك أكترهم ممكن يصدق كلامك، ويصدق إن فعلًا أنتم مبتعملوش حاجة غلط.
