محمد سامي لـ طارق لطفي: كان عجبك دور الجدع المايع عشان أمه رقاصة
اثار الفنان طارق لطفي جدلاً واسعًا الساعات الأخيرة، بعدما كشف عن سبب خلافه مع المخرج محمد سامي، في 2014، بسبب اعذاره عن تقديم شخصية شاذ ضمن احداث مسلسل “كلام على ورق”.
وأكد طارق لطفى أنه تم تغير السيناريو وخاصة الشخصية التى كان من المفترض أن يلعبها وهو ما جعله يعتذر عن العمل بأكلمه.
محمد سامي يرد على تصريحات طارق لطفي
ومن جانبه خرج المخرج محمد سامى، ليرد على تصريحات طارق لطفى الأخيرة، من خلال منشور عبر حسابه على موقع التواصل الاجتماعي “فيسبوك”، حيث كتب: "رداً علي كلام طارق لطفي المنتشر اليومين دول أولاً طارق ممثل محترم وإنسان جميل واشتغل معايا مرتين، مرة في مسلسل "مع سبق الإصرار"، ومرة تانية في مسلسل "حكاية حياة"،
وأضاف محمد سامي: "أعتقد الدورين كانوا مهمين ومحترمين جداً وحقق فيهم نجاح مهم، بعدها عرضت عليه دور في مسلسل "كلام علي ورق" وحصل خلاف إنتاجي علي الأجر تقريباً وعلي مساحة الدور، وعمل الدور ساعتها الراحل الجميل الأستاذ حسين الإمام والكلام ده سنة ٢٠١٤ يعني من ١١ سنة".
حاله من المبالغة والاسترسال لكسب ود الجمهور
وتابع المخرج محمد سامي، رده على الفنان طارق لطفي، كاتبًا: “فوجئت إن طارق لطفي طالع دلوقتي بيقول إنه رفض يقدم الدور لأنه كان دور واحد شاذ جنسياً وبدأ يتكلم عن المجتمع والناس وخوفه علي الجمهور وكلام غريب جداً بحاله من المبالغة والاسترسال لكسب ود الجمهور واللعب علي الحالة الدينية والمتحفظة عند الجمهور العربي، ولكن فاته حاجة مهمة إنه بيتكلم عن دور في عمل مصور وموجود والناس تقدر تتفرج عليه، و الدور مش دور شاذ ولا ليه علاقة بالشواذ!”.
أنا عندي عيلة زي طارق لطفى بالظبط
وأشار محمد سامي إلى دهشته من تصريحات طارق لطفي، كاتبًا: “مش فاهم طارق قال كده ليه واخترع الموضوع ده إزاي و كمان عمل حكاية غريبة جداً أنا مش فاهمها وإنه خاف علي عيلته وأسرته وطلعني بروج لشئ غريب جدا، أنا أول مرة وسط عرض عمل ليا أسمح لحد ياخدني لموضوع جانبي ولكن كان لازم أرد، لأن لو طارق عنده عيلة فأنا كذلك”.
وتطرق سامي في الرد موجهًا لـ طارق رسالة: “مع إحترامي ليك يا طارق كلامك مختلق وغير صحيح والدور موجود ينفع الناس تشوفه وكان حسين الإمام رحمة الله عليه طالع بيحب روجينا و هي حبيبة عُمره و أنتيمه ماجد المصري وأحمد زاهر وأشرف زكي”.
كان عاجبك الدور وعملت بروڤة
وأكمل: “كان جدع مايع عشان أمه رقاصة وصاحب كباريه وده اللي كان عاجبك في الدور وعملت معايا بروڤة آداء عليه وعلي مياعته وكان عاجبك”.
واختتم المخرج محمد سامي توضيحه مطالبًا مراجعه نفسه قبل الحديث عن أي زميل، حيث كتب: “راجع نفسك يا صديقي قبل إلقاء قنابل تزعل زميلك منك، ومعلش إني رديت بالشكل ده ولكن لا بد من الرد للتوثيق، كلامك كان لازم يترد عليه وكل سنة وانت طيب وأسرتك الكريمة بخير ولو انت ترفض تقديم دور الشاذ فأنا قبلك أرفض أخرجه".
