مصطفى عماد: محمد سامي كان يدعمني في كواليس "سيد الناس"| خاص
كشف الفنان الشاب مصطفى عماد، أحد أبطال مسلسل "سيد الناس"، عن كواليس تعاونه مع المخرج محمد سامي، مؤكدًا أنه كان وراء خروجه بأفضل صورة في شخصية "آسر".
وقال عماد في تصريحات خاصة لـ "كارافان": "محمد سامي كان بيضغط عليا في التصوير علشان أقدّم شخصية آسر بشكل ناجح، وكان مع كل مشهد بيقف يسقفلي ويخلي كل الممثلين في اللوكيشن يسقفولي، وده خلاني أتحمس أكتر وأدي أفضل ما عندي".
وكان قد اعلن المخرج محمد سامي، تراجعه عن قرار اعتزال إخراج المسلسلات، حيث كشف عن بدء التحضير لمسلسله الجديد بعنوان "رد كليتي"، مؤكدًا أنه يعتبره الأهم في مسيرته الفنية والأعلى مشاهدة وجدل.
وقال محمد سامي في منشور عبر صفحاته الرسمية على مواقع التواص الاجتماعي “فيسبوك وإنستجرام”: "بسم الله، بكتب مسلسل جديد، هيكون بأمر الله الأهم في مسيرتي والأعلى مشاهدة. الحكاية دي متعملتش قبل كده لا في مصر ولا برا. هصور إمتى ومين الأبطال وهيتعرض إمتى؟ لسه معرفش اللي متأكد منه إنه هيكون أرقى وأميز أعمالي، وهيحترمه ويقدره كل بيت عربي".
وأضاف محمد سامي: "كنت بدور على معادلة صعبة.. إزاي أعمل عمل جماهيري يلبي متطلبات السوق، وفنياً يبقى زي أعمال زمان اللي قدمها أساتذتنا وإزاي أطرح موضوع يهم المجتمع ويشد الجمهور، من غير ما يبقى محدود أو نخبوي وكمان أغير عن كل اللي قدمته قبل كده، وأعمل بنصيحة أ/ طارق الشناوي اللي قالي: التغيير قبل ما الجمهور يتشبع".
واختتم محمد سامي منشوره كاتبًا: "ادعولي العمل يكمل بنفس القوة اللي بدأ بيها.. الله الموفق".
