يسرا: نفسي أخس زي زمان وحاليًا بكره المرايا

كشفت الفنانة يسرا عما تعرضت له خلال سنوات حياتها، وما سبب لها تروما في سن صغيرة بسبب والدها، وما وقف أمامها به من أدوار.

وقالت يسرا خلال لقاءها ببرنامج 121، “والدي أخدني وأنا عندي 14 سنة وقعدت سنة ونص مشوفش أمي وكانت تروما بالنسبة لي ، وعيشت مع شخص أنا مش عارفاه أوي اللي هو أبويا، مامتي كانت كل حاجة في حياتي”.

واستكملت عن وقوف والدها أمام أدوار كانت تتمنى أن تقدمها:"اتعرض عليا دور في فيلم عملته صفية العمري ووالدي رفضه وقالي بنتي متطلعش عشيقة".

وعما تغير بها عما كانت في سن صغيرة، قالت يسرا:"حاليًا بطلت أحب المرايا لأنها بتخليني مركزة في حاجات معينة وده بيخليني مش أنا.. وأنا بحب أكون نفسي بكل عيوبي، وكنت بحب شكلي وأنا صغيرة وبتمنى أخس أكتر دلوقتي".

يسرا عن الجمال 

وقالت يسرا أن الجمال قديمًا كان مختلف عن الجمال الحالي، مؤكدة:"أن الجمال أنواع وأشكال مختلفة الطبيعة اللي خلقنا بيها ربنا وبتخلي كل واحد مميز زمان كنا بنشوف تنوع في الجمال زي سعاد حسني بسمارها الجذاب وهند رستم بطبيعتها الشقراء وشادية بشعرها الأسود الجميل ونادية لطفي ببساطتها وملامحا الطبيعية الجميلة الجمال الرباني".