"كل سنة وأنتي حبيبتي".. محمد فراج يهنئ زوجته بسنت شوقي بعيد ميلادها

محمد فراج يهنئ زوجته بسنت شوقي بعيد ميلادها برسالة مؤثرة على إنستجرام

حرص الفنان محمد فراج على توجيه رسالة خاصة مؤثرة لزوجته الفنانة بسنت شوقي بمناسبة عيد ميلادها، عبر صفحته الرسمية على موقع إنستجرام، معبّرًا فيها عن الحب والامتنان العميق لكل ما قدمته له من دعم وتشجيع طوال مسيرته الفنية والشخصية.

وفي تدوينته التي لاقت تفاعلًا واسعًا من متابعيه، كتب محمد فراج: "ماينفعش اقولك كل سنة وأنتي طيبة قبل ما أقولك جوايا شكر وحب و اعتراف بالجميل و حاجات كتير ليكى .. إنتى طول عمرك معايا - بتنصحينى - بتوعينى - بتحبينى - مؤمنه بيا - سابقانى دايما بخطوه فى تفاصيل حياتنا ( الصراحه هى مش خطوه واحده هما كذا خطوة)".

وأضاف محمد فراج، قائلاً: "استحملتينى و استحملتى عصبيتى و قلقى و سخافاتى وقت الشغل و خصوصاً الفتره اللى فاتت واللى كان فيها الموج عالى قوى و مع ذلك بتبقى أول واحده تقولى براڤو عجبتنى .. واخده بالك منى و ليكى فى كل خطوة أخدتها ربنا كرمنى فيها .. ليكى فى كل دور حلو أنا مثلته .. شايله همى و حِملى و حِملك و حِمل القطط و حاجات كتير كتير .. و فوق كل ده كمان زى القمر".

واختتم محمد فراج، رسالته قائلاً: "أنا لو اتكلمت و حكيت من هنا لعيد ميلادك السنه الجاية والله مش كفايا .. تفتكرى بعد كل ده كلمتين حتى لو صادقين و من القلب يوفوكى حقك !! كل سنة وانتى أحلى صوص بيدى طعم للحياة .. كل سنة وانتى حبيبتى".

وتعكس كلمات محمد فراج مشاعر الحب والامتنان العميقة تجاه زوجته، وما تمثله من دعم مستمر له على المستويين الشخصي والمهني، مؤكدًا أن هذه العلاقة تتسم بالتفاهم والمساندة المتبادلة، وهو ما لفت انتباه الجمهور وأثار إعجاب المتابعين الذين أبدوا تفاعلًا واسعًا مع منشوره.