تامر حسني لجمهوره: "متضيعش عمرك في حاجات متستاهلش"

نشر الفنان تامر حسني، رسالة مؤثرة عبر صفحته الرسمية على موقع «فيسبوك»، تحدث فيها بصراحة وبأسلوبه الخاص عن قيمة العمر ودقات القلب، موجّهًا نصيحة مباشرة لجمهوره بعدم إهدار حياتهم في أمور لا تستحق

تامر حسني يوجّه رسالة مباشرة لجمهوره

وقال الفنان تامر حسني، عبر حسابه الرسمي على «فيسبوك»: «صباح الورد حبايبي ، سمعت تحليل عظيم أحب أنقلهلكم جايز يفيدكم بس ركزوا فيه جداً .. ربنا سبحانه و تعالى بيخلقك و يديك هدية ٥ مليار دقة قلب مثلاً لو هتعيش ل ٧٥ سنك أو ٨٠".

وأضاف تامر حسني، قائلاً: “شوف بقى تقريباً أنت ضيعت منهم ٢ مليار و نص خلاص طبعاً كلامي على المواقف اللي في إيدينا نغيرها  فا تيجي بعد شوية تقول لنفسك أيه دة !!!!هل المواقف اللي عيشتها دي كانت مستاهلة أضيع عليها من عمري كل الدقات دي !؟”.

وتابع تامر حسني، حديثه قائلا: “فا أنت او إنتي من دلوقتي قولوا لنفسكم ..هل  القصة دي او الزعل ده او المشكلك دي هتاخد من حياتي مثلاً ٢٠ ألف دقة قلب .. هل تستاهل؟.. المقصود إنك متضيعش عمرك و دقات قلبك على حاجات متستاهلش ..الدقات اللي بتروح مبترجعش تاني”.

وأضاف تامر حسني، قائلاً؛ "دايماً بقول إن اللي صاحي دلوقتي والكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنياه و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط.. بص قدامك ركز في ورقتك و حالك مش حال الناس مستنيك نجاح كبير روحله و متضيعش وقتك و دقات قلبك  في حاجات متستاهلش".
 

تفاعل واسع مع رسالة تامر حسني
 

وشهدت رسالة تامر حسني، تفاعلًا كبيرًا من متابعيه، الذين اعتبروها دعوة صريحة لمراجعة النفس والتركيز على المستقبل وترك ما يستهلك الطاقة والعمر دون جدوى.
 

رسالة إنسانية بأسلوب تامر حسني

وتأتي هذه الرسالة ضمن منشورات تامر حسني، التي يحرص فيها على مشاركة جمهوره تجاربه وأفكاره الحياتية بأسلوب بسيط ومباشر يلامس الواقع.