بعد إعلان خبر حملها.. سالي عبد السلام: "الطريق مش سهل خسرت تؤام واستنيت دوري سنين"

أكدت الإعلامية سالي عبد السلام، عن أنها ترددت كثيرا في إعلان خبر حملها، خاصة وأنه جاء بعد انتظار عدة سنوات، إلا أنها شعرت بالسعادة عقب الإفصاح عنه من خلال استضافتها في برنامج "صبايا الخير" مع الإعلامية ريهام سعيد على قناة النهار، بسبب دعوات الجمهور ومحبيها.

وعبرت سالي عبد السلام، عن سعادتها، برسالة وجهتها لجمهورها، عبر حسابها بموقع الصور والفيديوهات "إنستجرام"، قالت فيها: "بسم الله نبدأ 2026 ببركة ورزق وهبة من الله.. أنا كان نفسي إني أحط فيديو على الأغنية دي أوي والله، أنا من امبارح عايزة أعيط من جمالكم بجد! أنا شفت دعوات عمري ما شفتها في حياتي.. شكراً من قلبي، كل اللى حواليا قالولى متقوليش..اسكتي.. قولي لما تولدي..بس حقكم تعرفوا".

وأضافت سالي عبد السلام: "حقكم إنكم تعرفوا دعواتكم اللي شوفتها وسمعتها أو اتقالتلي في وشي إن ربنا كرمني بيها وبكل واحد فيكم…وده سر قوتي وعمري ما بنسى، لما الناس بتقولي اشمعنى انتي بيدعولك أو بيحبوكى بخاف اتحسد عليها".

سالي عبد السلام تكشف عن خسارتها لتؤام

كما عبرت سالي عبد السلام، عن امتنانها لدعوات محبيها، قائلة: "اه دعوات الناس تغير الأقدار ومستجابة أكتر من دعواتي لنفسي، لو قولتلكم إني استنيت دوري سنين عشان ربنا يرزقني الرزق  والهبة دي عارفة انكم هتصدقوا ..الحمدلله خسرت تؤام بس ليا بيتين في الجنة وبدعواتكم ربنا كرمني وهيكرمني وهيكملها على خير وهيبقى معايا زينة الحياة الدنيا واللي يوهبه رضا أى كان ….وهو على هين..الوهاب".

وفي ختام رسالتها، طلبت سالي عبد السلام من جمهورها تكثيف الدعاء لها: "عايزة دعوات كتير أوى، أكتر من الدعوات اللى فاتت والله عشان الطريق مش سهل وكل شوية يحصل حاجة تصعب المشوار ومضاعفات وكل شوية اخاف اكتر…أضعاف ما دعيتم وتمنيتم يا رب ربنا يرزق كل واحد نفسه يا رب".