لقاء الخميسي تعلن الصلح مع زوجها محمد عبد المنصف
أعلنت الفنانة لقاء الخميسي عبر حسابها الرسمي على موقع إنستجرام خبر الصلح مع زوجها الكابتن محمد عبد المنصف، بعد فترة من الخلافات أثارت اهتمام جمهورها على مواقع التواصل الاجتماعي.
وقالت لقاء الخميسي في منشورها: "الدنيا بتختبرنا دايمًا وأبدًا، أيام بتسعدنا وأيام تتبعدنا وتزعلنا وتجرحنا.. وبنتوه مع نفسنا! الحكمة بتظهر من قلب الحزن، وبنقعد نفكر إيه الصح وإيه الغلط وهل اللي عدينا بيه شر ولا خير".
وأضافت الفنانة: "مع الوقت، ولما النفس تهدى والعقل يفكر والقلب يدق، بنكتشف إن كلنا نغلط وبنتوه شوية في وسط الزحمة، في ناس بتغلط وتكمل في الغلط وفي ناس بتغلط وترجع لحكمتها وتتندم وتصحح الخطأ. خطائين وخير الخطائين التوابين".
وأوضحت لقاء أن الاعتراف بالخطأ والعودة للصواب هو دليل على القوة الحقيقية، مؤكدة: "ما فيش حد مابيغلطش، بس القوي الحقيقي بيعترف بالغلط وبيرجع لصوابه. ربنا فتح لنا باب المغفرة والسماح".
ووجهت الفنانة الشكر لكل من دعمها خلال هذه الفترة: "شكرا من قلبي لكل إنسان دعمني ووقف جنبي وطبطب عليا، وشكرًا لكل أصدقائي المقربين اللي وفقوا جنبي، وكل من دعمني من أصدقاء السوشيال ميديا اللي نوروا حياتي بالمحبة ودعوا لي بدعوة حلوة".
وختمت لقاء الخميسي منشورها بتوجيه رسالة لكل السيدات وربات المنازل: "أسهل حاجة في الدنيا هدم البيوت العمرانة، وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام. كلنا بنغلط، وبنندم ونرجع لصوابنا، ونبدأ بداية جديدة مليانة شغف وحب وسلام وراحة".
