أسما شريف منير: مريت بفترة صعبة.. والشيطان حاول يقنعني إن التزامي هو سبب مشاكلي

كشفت الفنانة أسما شريف منير عن فترة صعبة مرت بها مؤخرًا، واجهت خلالها ضغوطا نفسية وشكوكًا إيمانية، مؤكدة أن تلك المرحلة بأنها كانت مليئة بالكرب والاختبارات.

وقالت أسما شريف منير في رسالة جديدة لها عبر حسابها الرسمي على "إنستجرام"، أثارت من خلالها الجدل، خاصة بعدما أوضحت أنها شعرت أن التزامها هو سبب بعض التحديات التي تمر بها، قائلة في منشورها: "الفترة اللي فاتت كانت صعبة، كان فيها كرب، ورزق واقف، وشكوك بتتسلل لعقلي، الشيطان حاول يقنعني إن التزامي هو سبب المشاكل.. حسّيت بضغط من كل ناحية، وحتى من أقرب الناس ليا اتخذلت".

وتابعت: "بدأت أشك في إيماني، لكن لما رجعت لربنا فهمت إن الابتلاء جزء من طريق المؤمن، وإن الأنبياء نفسهم اتعرضوا لاختبارات".

أسما شريف منير تكشف عن انخداعها في المقربين منها 

وأكدت أسما أنها أصبح لديها وعي أكبر بمن حولها، قائلة: "بقيت أشوف الناس على حقيقتها، مش على اللي كنت بتمنى يبقوا عليه.. بدأت أفهم مين بيحبني بصدق، ومين كان موجود بس علشان أنا "مفيدة"، ومين بيظهر وقت الجد، ومين بيختفي أول ما الموضوع يحتاج مجهود أو التزام أو حتى مجرد احترام".

وأضافت أسما شريف منير أنها بدأت تدرك أن المظاهر قد تكون خادعة، وأن هناك من يدعو لها بصدق، وأن الله يواسيها دائمًا: "عرفت إن اللي بيبان إن الدنيا ماشية معاهم كويس مش دايمًا بيكونوا على حق… وبدأت أشوف علامات إن الناس اللي حواليّ بيدعولي، وإن ربنا بيطبطب عليّ."

واختتمت الفنانة رسالتها برسالة أمل وإيمان، مؤكدة أن الصبر والرجوع إلى الله هما الهدف الحقيقي: "مع العسر يسر… اللي عايزة أقوله: لو بتمرّوا بوقت صعب، اعرفوا إن ربنا لسه عايزكم… المهم رجوعنا لربنا، وصبرنا، وتسليمنا. الحمد لله دائمًا وأبدًا… ولو شفتوا كلامي، ادعولي."