"الفتنة سلاح مدمر".. تامر فرج يعلق على واقعة التحرش بـ فتاة الأتوبيس
علق الممثل تامر فرج عبر حسابه على فيسبوك على واقعة فتاة الأتوبيس التي أثارت جدلًا واسعًا حول موضوع التحرش، مؤكدًا أنه لا يمكنه تأييد طرف ضد الآخر في الوقت الحالي، خاصة بعد أن أصبحت الواقعة في أيدي السلطات صاحبة اتخاذ القرار والفصل في القضية.
وشدد فرج على أن الموضوع تجاوز كونه مجرد واقعة تحرش، ليصبح محل مراجعة وتقييم متبادل بين الرجال والنساء، وأحيانًا بين فئات مختلفة داخل المجتمع، قائلا بحسب تعبيره: "بخصوص موضوع التحرش بالبنت فى الأتوبيس، بغض النظر عن الموضوع نفسه اللى أصبح فى إيدين السلطات هتحكم فيه فبالتالي ماليش إنى أؤيد طرف ضد التانى".
وأضاف: "مش ملاحظين إن الموضوع خرج من كونه واقعة تحرش أو لأ إلى كونه تقويم الستات على الرجاله و الرجاله على الستات؟؟ أهلى و زمالك يعنى؟؟، وفى نفس الوقت فى تقويم للمسلمين ضد المسيحيين و المسيحيين ضد المسلمين؟؟ واخدين بالكم من البرامج اللى بتقوم اى طرفين ضد بعض؟؟".
وأشار فرج إلى أن هذا الغضب المتبادل يضعف المجتمع ويفكك الجبهة الداخلية، ويشغل الناس عن قضايا أهم تحتاج التركيز، قائلا: "طب خلوا بالكم بقى وبصوا على الصورة الكبيرة، أى غضب من نص المجتمع ضد التانى أو أى طرف ضد الطرف الآخر ده بيضعف المجتمع، وبيفكك الجبهة الداخلية وبيشغلنا عن أمور كتير لازم نركز فيها".
تامر فرج: الفتنة سلاح مدمر أكثر من السلاح التقليدي
وأوضح في منشوره: "الفتنة ليست بالضرورة طائفية، فهي سلاح مدمر أكثر من السلاح التقليدي، الحروب الآن ليست مجرد رصاص وقنابل، وفهم الصورة الكبيرة يساعدنا على تجاوز النظرة المحدودة".
وتابع: "عارف إن ناس كتير هتقولى أنت كبرت الموضوع كده ليه، بس أخدنا فى الفلسفة إن التجريد بيوصلنا لفهم الصوره الكاملة، وحاجات أبعد من نظرتنا المحدودة، فمعلش اعتبرونى مجنون.. خلوا بالكم والحدق يفهم".
