إيمان السيد توضح أسباب مشاركتها في مسلسل وتقابل حبيب بعد اعتذارها
بعد تصريحات بدرية طلبة الأخيرة وهجومها الغير مباشر على مؤلف المسلسل بحذف عدد كبير من مشاهدها، كشفت الفنانة إيمان السيد أنها تعرضت لنفس الأزمة.
وكتبت إيمان على حسابها الرسمي بموقع الصور الشهير انستجرام: "أنا فاهمة ومدركة جدا ان دوري في العمل نفسه مش عاجبك كمشاهد ودا حقك جدا، وانا شخصيا ببقى عارفة و مدركة لما بعمل دور مش
حساه و ببقى متفهمة طالما انك تبدي رأيك بموضوعية واحترام و عارفة كويس إن ممكن أي حاجة كويسة عملتها قبل كدا تتنسي في ثانية في وسط هجوم بسبب دور لم ينل استحسانك ودي حاجة تعلمتها مع الوقت إني أتوقع أي شيئ".
وأضافت إيمان: “ونا شخصيا اتعلمت في حياتي ألا ألقي بأخطائي على شماعة الغير، لاني لو عملت كدا مش ها تقدم خطوة في حياتي وانا كبيرة كفاية إني أتحمل دايما نتيجة اختياراتي واكيد بتضايق شوية لاني طول عمري باحفر في الصخر علشان اتقدم خطوة أو على الأقل أثبت مكاني، ولكن مع الخبرة في الحياة وفي شغلي اتعلمت أتجاوز المواقف وافكر في اللي جاي و متفائلة و دايمًا ظني خير في ربنا سبحانه وتعالى”.
وأشارت: “كنت دايما لما حد يعرض عليا دور صغير بقول انا ممكن أعمل دا مع ياسمين فقط، لان الناس عارفة رصيدنا مع بعض، وعمري ما قرأت قبل كدا تعليق بيقول ان حد بيفرضني على العمل غير المرة دي ولا قرأت كلام مؤذي زي المرة دي لدرجة ان زميلة ليا في العمل كلما أبدت رأيها في شيئ على السوشيال ميديا ألاقي نفسي بتهاجم في الكومنتات حتى لو كان البوست بتاعها ليس له علاقة بالعمل نفسه”.
واوضحت الفنانة ايمان السيد، في منشورها: “انا قبل ما ابتدي تصوير كلمت أستاذ عمرو مؤلف العمل واللي بحترمه جدا وكنت بعتذر عن الدور، وبعترف اني عملت دا في توقيت سيئ وماكانش ينفع، وهو شخصيا قالي مش هينفع تعملي كدا مع ياسمين وقولت له أنا ممكن أجيلها مشهد واحد في مسلسل بس أكون حاسة المشهد وفي النهاية اشتغلت لان توقيتي زي ماقلت كان غلط”.
وأختتمت ايمان منشورها: “أنا سعيدة بنجاح العمل ومبسوطة بياسمين وفرحانة علشانها لانها تستاهل كل خير وفي النهاية i got my lesson”.
قصة مسلسل وتقابل حبيب
وتدور فكرة المسلسل حول امرأة ثرية تكتشف خيانة زوجها لها فتقرر الانفصال عنهوتبحث عن علاقة حب جديدة لكنها تتورط في صراعات مختلفة لم تكن تتوقعها وتتغيرمعها حياتها تدريجياً.
أبطال مسلسل وتقابل حبيب
يشارك في بطولة مسلسل وتقابل حبيب مجموعة كبيرة من الفنانين ياسمين عبدالعزيز ، خالد سليم ، كريم فهمي ، نيكول سابا ، إيمان السيد ، محمود عمرو يس،انوشكا ، بدرية طلبة ، صلاح عبد الله ، رشوان توفيق ، منة عرفة ، بسنت شرقي ، حنانسليمان ، ندي موسي ، انجي كيوان ،بتول الحداد ، جيهان خيري ، كريم عبد الخالق ،من تأليف عمرو محمود يس و إخراج محمد حمدي الخبيري و إنتاج تامر مرسي.
