المخرجة روجينا بسالي تهاجم صناع مسلسلات رمضان 2026: "احترموا دماغ الجمهور شوية"

وجهت المخرجة السينمائية روجينا بسالي انتقادات حادة لمستوى عدد من الأعمال الدرامية المعروضة ضمن موسم رمضان 2026، معربة عن استيائها مما وصفته بتراجع واضح في الجودة الفنية.

وعبرت روجينا بسالي، في منشور لها عبر حسابها الرسمي على موقع "فيسبوك"، عن رفضها لما يقدم للمشاهد، مطالبة صناع الدراما بضرورة احترام وعي الجمهور وعدم الاستخفاف بعقله.

وأوضحت أروجينا بسالي، كاتبه: "فيه صناع مسلسل بيكتبوا بوست مكرر كل سنة: "يا جمهور، أنقذونا من اللجان!". علشان مقتنعين إن أي حد ما عجبوش العمل مأجور لدرجة إن فيهم اللي بيشتبك مع الجمهور في التعليقات، هو وأصحابه وعيلته".

وأضافت: "مش فاهمة الجمهور يبقى في خصومة معاك ليه؟ لو في ناس شايفة إن الأداء ضعيف، أو إن القصة بتتكرر كل سنة، ده حقهم الطبيعي كمشاهدين إنك تتجاهل بقى رأي الجمهور الحقيقي، وتفرح بالجمهور الافتراضي الوهمي اللي خلقته لنفسك، ده مش نجاح ده إنكار!".

وأكدت روجينا بسالي في منشورها كاتبه: "الناس ملت وزهقت من التكرار، والأداء الباهت المزيف، والتلقيح وقعدات المصاطب، أنا شفت مشهد من المسلسل أفتكرته AI، لأن مافيش حد ممكن يكتب حوار زي ده، ولا فيه ممثلين ممكن تمثل كده!".

وأختتمت: "احترموا دماغ الجمهور شوية من فضلكم، وكفاية شماعة اللجان، لأن الحقيقة إن أكتر ناس بتتكلم عن اللجان، هي أول ناس بتستخدمها".