"الألم بيوسع قلبنا".. حوار إنساني مؤثر بين منة شلبي وطفلة فلسطينية
شهدت الحلقة الثانية عشرة من مسلسل صحاب الأرض مشهدًا إنساني مؤثر جمع بين شخصية الدكتورة سلمى، التي تقدمها الفنانة منة شلبي، وإحدى الفتيات الفلسطينيات التي فقدت أسرتها بالكامل خلال الحرب، في واحد من أكثر مشاهد العمل تأثيرًا.
المشهد دار داخل المستشفى، حيث تحاول الدكتورة سلمى احتواء الفتاة ومواساتها، من خلال سرد تجربتها الشخصية مع الفقد، لتؤكد لها أن الألم لا ينتهي، لكنه قد يتحول إلى قوة تدفع الإنسان للاستمرار.
وجاء الحوار على النحو التالي: “لما كنت أكبر بسنتين كان عندي 16 سنة، ماما ماتت.. وكنت بذاكر وأخلي بالي من بابا. مكنتش سعيدة بس كنت عايشة أنا وبابا مستخبيين في بعض كده... وبعد خمس سنين جالي تليفون من الشغل قالوا لي إن بابا مات.. ساعتها الدنيا وقفت وزعلت قوي، كانوا قرايبي بيواسوني وبيقولوا لي كلام كتير قوي أنا مش سامعة منه حاجة، خدوني ودوني عند عمتي، صحيت في بيت مش بيتي وأوضة مش أوضتي”.
وتواصل: “كنت أقعد كل يوم أدعي ربنا: يا رب خدني وديني عند بابا وماما، أنا عايشة ليه وعايشة لمين؟ بس عشت وذاكرت وبقيت دكتورة، أنا ممتش بقى أعمل إيه.. واتجوزت وخلفت، قلت الحمد لله يا رب أنا عرفت أنا عايشة ليه”.
وتضيف في الجزء الأكثر قسوة من الاعتراف: “ابني تعب ومات.. زعلت قوي قوي، قلتله معقول يا رب هو مفيش غيري في الدنيا دي؟ طب أنا عايشة ليه وعايشة لمين؟ بعد شوية اكتشفت حاجة مهمة قوي، اكتشفت إن الألم بيوسع قلبنا بيخلينا ندي أكتر ونحس بالناس أكتر”.
وتختتم حديثها للفتاة قائلة: “يمكن لو مكانش حصلي كل الحاجات دي مكنتش هحس بحد، مكنتش هاجي هنا، وعرفت كمان إن ربنا بيكتب لنا الطريق.. بكرة تكبري وتتجوزي وتخلفي وتبقي أقوى من أي ألم، ولما يجيلك الألم تاني هتعدي منه أسرع وأقوى”.
مواعيد عرض مسلسل "صحاب الأرض"
يعرض مسلسل صحاب الأرض يوميًا على مدار 15 حلقة على قناة DMC في تمام الساعة 11 مساءً، مع إعادة الساعة 9 صباحًا. كما يُعرض على قناة DMC دراما في الساعة 7:15 مساءً، مع الإعادة الأولى الساعة 2:45 صباحًا والإعادة الثانية الساعة 12:45 ظهر اليوم التالي. ويُعرض أيضًا على قناة الحياة الساعة 9:45 مساءً، وعلى منصة Watch it الساعة 7:15 مساءً.
مسلسل صحاب الأرض بطولة إياد نصار، منة شلبي، كامل الباشا، آدم بكري، عصام السقا، تارا عبود، سارة يوسف، إياد حوراني، ديانا رحمة، يزن عيد، الطفل سمير محمد، وعدد آخر من الفنانين وضيوف الشرف. العمل من معالجة وسيناريو وحوار عمار صبري، وتطوير السيناريو والحوار محمد هشام عبية، وإخراج بيتر ميمي، وإنتاج الشركة المتحدة United Studio.
