مسلم يهاجم الوسط الفني ويصفه بالمرض والحقد: "بعيد أوي عن الناس دي"

أثار مطرب المهرجانات مسلم جدلًا واسعًا بين جمهوره بعد نشره رسالة عبر حسابه الرسمي على منصة إنستجرام، هاجم فيها الوسط الفني والمطربين معبرًا عن غضبه من ما وصفه بالحقد والمؤامرات.

 وكتب مسلم في رسالته:
"اقسم بالله مجال ما مشفتش فيه حد سالك.. وكله بيصفر على كله، أنا بعيد أوي عن الناس دي بجد مشفتش منهم غير مرض وحقد وضحكك فـ الوش وينحبك وفي الضهر كلام ومؤامرات علينا ربنا يحمينا منهم بجد".

وفي وقت سابق، أثار مسلم تكهنات حول أعماله المقبلة، حيث كتب على إنستجرام:
"يالهووي على اللي هعمله الفترة الجاية"، موضحًا أن ما سيقدمه سيكون شيئًا جديدًا وغير معتاد على جمهوره.

معاناة مسلم مع منتج أغانيه السابق
وكشف مسلم عن فوزه بقضيته ضد منتج أغانيه السابق، مؤكدًا أنه لم يعد مرتبطًا بأي منتج، وقال:
"الحمد لله بعد معاناة 5 سنين مع المنتج بتاعي .. الراجل ده كان بيحاول يقفلي أي باب شغل وبيحاربني في أكل عيشي .. وناس كتيرة فرحانة وشمتانة فيا .. الحمد لله كسبت القضية ومفيش حاجة اسمها منتج معايا تاني .. مسلم بقى لوحده .. ومستعد أنزل كل يوم تراك".

وأضاف:
"الحمد لله كسبت القضية بدون أي ظلم .. وقضاء بلدي نصفني وعارف إني اتظلمت .. وإن شاء الله اللي جاي خير .. وخلال أسبوع هنزل أغنية جديدة .. وهتشوفوا حاجات عمركم ما شوفتوها الفترة الجاية وههتم بشغلي جدًا".
يستعد مسلم للعودة إلى الساحة الفنية بقوة بعد فترة من الغياب والتحديات القانونية، وسط حالة من الترقب لجمهوره لأعماله الجديدة.