رنا سماحة تهاجم ممدوح شاهين: سمعته حدث ولا حرج ومدنيش فلوسي عن مسلسل "النص التاني"

علقت الفنانة رنا سماحة على تصريحات المنتج ممدوح شاهين، الذي عبر من خلالها عن ندمه الشديد لإنتاج مسلسل "النص التاني" الذي تصدرت بطولته سماحة، مؤكدا أنه لو عاد به الزمن لن يقوم بإنتاجه وذلك خلال لقاء تلفزيوني أخير له.

وقالت رنا سماحة في تعليق لها على تصريحات المنتج، من خلال منشور لها عبر حسابها على "فيسبوك": "من كم يوم أطل علينا منتج من اللي هم سمعتهم حدث ولا حرج، وقالك أنا ندمان إني أنتجت وقال اسم مسلسل أنا كنت من أبطاله طيب يا فندم هل حضرتك صرفت على المسلسل ده كما يجب؟! خدمته إنتاجيًا يعني ؟!!!لا".

رنا سماحة: الدعاية اتبخرت لما رفضته عرضه اللي كان صدمة 

وتابعت رنا سماحة قائلة: "عملتله دعايه؟ لا، طيب نجوم العمل أخدوا فلوسهم اللي هي لا تذكر كامله من أكتر من 8 سنين؟ برضو لا، كل الوعود اللي اتقالت قبل التصوير أتبخرت، الدعاية والأغاني وكل حاجه، لمجرد إني رفضت عرض الأستاذ المحترم اللي أكبر من أبويا وهو فاهم وأنا مش محتاجه أقول أيه هو العرض، ولأني كنت صغيره وكنت مصدومه من بجاحته".

وأضافت رنا سماحة قائلة: "نزلت من شركة الأستاذ منهارة وللأسف متخذتش أي إجراء قانوني وقتها، سيبت فلوسي وقولت في داهيه الفلوس والمسلسل كله واعتبرت نفسي معملتوش".

رنا سامحة: بلاش تفتح على نفسك أبواب مالهاش لازمة 

واستكملت حديثها، قائلة: "استعوضت ربنا واعتبرتها تجربه وعدت فبلاش تفتح على نفسك أبواب مالهاش لازمة، وأعتقد أني مش أول واحدة تعرض عليها حاجه زي دي".

وفي نهاية منشورها، قالت رنا سماحة: " فياريت اللي زي حضرتك يسكت على الأقل احترمًا لولادك اللي أكبر مني في العمر عشان لو دوروا وراك هيعرفوا إن حضرتك بلاش أقول، وشكرًا".