حلا شيحة تثير الجدل: في ناس تحس إنهم مفيش ريحة الدم ويقتلوا القتيل ويمشوا في جنازته
أثارت الفنانة حلا شيحة حالة من الجدل بمنشور جديد، تناولت فيه بعض الشخصيات غير السوية التي تصادفها في حياتها، ووصفتهم بأنهم من نوعية الأشخاص التي ينطبق عليهم المثل القائل "يقتلوا القتيل ويمشوا في جنازته".
ونشرت حلا شيحة صورة جديدة لها عبر حسابها على "إنستجرام"، وعلقت عليها، قائلة: "تأملاتي ساعات بتخضني أنا شخصياً بس عاوزة أفهم بجد، في ناس في الحياة تحس إنهم مفيش ريحة الدم كدة أو مفيش إحساس أصلا، في ناس برودهم مستفز فعلاً، عارفين مثل ""يقتلوا القتيل ويمشوا في جنازته، يعملوا العمله و يكملوا عادي ..نوعية كدة فاكرين إنهم تمام وهما ولا تمام وشايفين طريق التمام".
وأضافت: ساعات أنت بقي تقابل النوعية دي تبقي مش مصدق هو في كدة فعلا، وعادي ولا هما حاسين انهم كدة ولا حد قالهم ..فيقوم ربنا يحب يفوقهم فيبعت لهم رسايل بس بردو عادي شايفين إنهم تمام والغلط مش فيهم ولا عندهم و مكملين".
وتابعت: "بس أحلي حاجة إنك تبقي خلاص شايفهم علي حقيقتهم و مكشوفين جدا ،، فتضحك وتشوفهم مرة صدفة من بعيد تلاقيهم عايشين بردو نفس الدور لسة مكملين و الهبل سايقين، وعجبي علي رأي صلاح جاهين".
اختتمت حديثها موجهة سؤالًا لجمهورها، قائلة: 'هل أنا أحس بالنوعية دي لوحدي أم أنتم كمان؟ قولوا لي بجد يا جماعة، وهل أنا بتخيل ولا إيه؟".
وتفاعل معها متابعوها على المنشور محل الجدل، كاشفين عن آرائهم، بينما تساءل البعض عما إذا كانت تواجه أي مشكلة خلال هذه الفترة مع أحد.
