بهذه الكلمات احتفلت لميس الحديدي بعيد ميلاد خطيبة نجلها
احتفلت الإعلامية لميس الحديدي بعيد ميلاد نور خطيبة نجلها، بكلمات مؤثرة تعبر عن قربها الشديد منها، وكيف تطور العلاقة بينهما خاصة أن نور نجلها الوحيد وهي مرتبطة به كثيرًا.
لميس الحديدي: ياترى أنا حماه عاملة أزاي؟
وكتبت لميس الحديدي عبر حسابها على موقع تبادل الصور والفيديوهات إنستجرام:"ناس كتير كانت بتسألني يا ترى أنا حماه عامله ازاى ؟ مسيطره ؟متحكمه ؟ باغير على ابني؟ و الحقيقه انى كنت قلقانه جدا مين اللى ح تتجوز نور لأنه ابني الوحيد و أنا مرتبطه بيه جدا و باعترف اني كنت دايما باقوله ماينفعش تحب حد أكتر من مامى ( أنا طبعا)".
وتابعت:"لكن كرم ربنا دايماً عليا كبير و نور جابلي بنوته حلوة حبيتها بسرعه مريم السطوحي ..و بقينا besties زي ماهى بتقول خاصةً ان نور ابنى لسة مسافر بيشتغل برة، فهى بقت صاحبتي الصغيرة، و عوضتني عن غيابه و كأني ما صدقت يبقى عندى بنت فبقيت بافكر فيها و أنا بأعمل شوبنج ، باكلمها تلحقنى مع تشات جى بى تى الساعه ٣ صباحاً و تعمللي سيرش لو عاوزه اكتب حاجة ، احجزي لى سينما يا مريم ..و نروح السينما سوى ، إلحقي الزوم ميتنج مش عارفه اعمله ( أنا بشعه فى التكنولوجيا و طبعاً باكلمها في اى وقت إلحقي تلفوني هنج .. محتاسين فى توضيب البيت سوى ، ده غير اننا شبه بعض فى حاجات كتيرة: التفاصيل ، الدقة ، التنظيم ، حب الشغل لكن هي علشان مهندسة اشطر مني كتير .. و لما بأبقى شوية متضايقة (طبعاً نور بيقولها ) بالاقي تلفونى بيرن : عاملة ايه ياطنط، اجى لك نخرج؟".
واختتمت:"النهارده عيد ميلاد مريم كل سنه وانت طيبة حبيبتى ، ربنا يحفظك يا رب ، و السنة الجايه كل أحلامك و احلام نور تتحقق و تكونوا فى بيتكم إن شاء الله .. الحمد لله البنات الحلوين رزق".
خطوبة نجل لميس الحديدي
واحتفل الإعلامي عمرو أديب والإعلامية لميس الحديدي بخطوبة ابنهما نور على مريم السطوحي، وذلك بعد قراءة الفاتحة التي أقيمت في نوفمبر 2025.
الحدث تميز بالأجواء العائلية الدافئة، وحضره عدد من الأهل والأصدقاء في حديقة منزل الأسرة، ما أضفى على المناسبة طابعًا حميميًا ومميزًا.
