المطربة أغنية أحمد تتحدث عن الضغوط الأخيرة وتكشف مفاجآت مشوارها الفني| خاص
كشفت المطربة أغنية أحمد رمضان عن كواليس أولى خطواتها الفنية الجديدة، وتحدثت عن تعاونها المرتقب مع الفنان عصام كاريكا، كما تطرقت إلى تجربتها في الغناء اللايف وتأثيرها على اختياراتها الموسيقية، بجانب حديثها عن الضغوط التي مرت بها خلال الفترة الأخيرة وطموحاتها للفترة المقبلة.
بنسجل أول عمل مع عصام كاريكا
وقالت المطربة أغتية أحمد رمضان: "انهاردة بنسجل أول عمل مع عصام كاريكا أو بتوقيع ألحانه عصام كاريكا، احنا بنغني عاملين حب وعاملين دراما والموضوع مناسب اوي للناس كلها واغاني هتعجب الناس أنا واثقة".
وأضافت: "الغنا اللايف عامة بيفرض عليك نوع من الاغاني اللي هو الشعبي أو الأغاني اللي بترقص الناس لأن طبيعي اللي جايين يسمعوا جايين عشان يتبسطوا وكده فبردو اللايف بيبقي فارض عليه عليك أن انت تغني الاغاني اللي طالعة ترند والأغاني اللي فيها رقص أو الشعبي ودلوقتي اي أغنية معمولة بقت بتتغني شعبي فأنا لما غنيت لايف كان مفروض عليا أغني شعبي".
عندي اغاني شعبي جاهزة
أما عن أول أعمالها فقالت: "اول أغنية أنا عملتها نزلت نجحت وحققت نجاح قوي ومازالت وشغالة تيك توك أغنية "يا أسوء حاجة حصلتلي" الأغنية دراما مش شعبي بس انا لما باجي اغنيها لايف بليل بغنيها شعبي، انا صوتي أو نوع الاغاني اللي عايزة اقدمها اكيد هقدم شعبي لأن انا عندي حاجات جاهزة لده بس الفكرة أن ده مش الأساسي عندي، اللي بيحب الغنا اللايف وقفة المسرح بتكون حلوة اوي للمطربين أو المطربات عامة للناس اللي بتعرف توقف على المسرح".
مريت بحرب في الأيام الأخيرة
وأضافت: "أصعب الضغوطات هي أنه انا كنت بمر بحرب الايام اللي فاتت وهو ده اللي أخرني في اني اعمل اغاني وأن انا كمان قللت الغنا اللايف".
استنوا أغنيتين حلوين
وأختتمت: "بقول للناس استنوا اغنيتين حلوين أوي هيعجبوكوا وان شاء الله في حاجات تانية بتجهز وانا واخدة الفترة ديه بجهز فيها اغاني عشان ميكونش في بريك تاني ونعرف الناس مين اغنية، وبقول لنفسي انجحي واكبري عشان انتي تستاهلي كل حاجة حلوة".
