علي قدورة بعد سنوات من اعتزاله.. هل يعتزم العودة للمهرجانات؟
قال علي قدورة، في فيديو عبر حسابه على فيسبوك: "عارف إن فيه ناس كتير هتشوف الفيديو ده وهيتكلموا وهيسألوا، بس أنا لحد دلوقتي ماخدتش أي قرار وربنا هو أعلم وأدرى باللي فيا، أنا حاولت ومحدش كلمني علشان أبطل علشان يكلمني علشان أرجع".
علي قدورة: محدش عايز مساعدة غيري
أضاف علي قدورة: أنا 90% من الناس اللي بيشوفوني بيفتكروا إن فلوس المهرجانات بصرف منها، وكل الرسائل عندي عايزين مساعدات والله ما حد عايز مساعدة غيري، وأنا مش بشتكي ولكن بفهمكم وجهة النظر، أنا لا عايز ولا هقبل حاجة من حد، أنا فتحت مشروعي واشتغلت وكان زي الفل وبعدين الدنيا اتكحرتت خالص واتداينت والدنيا اتخربت، والمحل هقفله آخر السنة دي لو مكنش بكرة.
هل يعود علي قدورة للمهرجانات؟
أجاب على قدورة على هذه السؤال من خلال تعليق على الفيديو وكتب: "أنا مش هرجع تاني أنا بفضفض بالله عليكم أفهموا أنا في مفرمة.
واختتم حديثة: “محدش أدرى بعباده غير ربنا، وأنا بكلم نفسي من خلال صوتين وجوايا اتنين بيتكلموا وبيحاربوا في بعض، أنا مهزوم في النص ومفيش كلام عارف أقوله، أنا حاولت في عز شهرتي وعز ما كنت مسموع، ولكن أنا بجد تعبت واتداينت وإحنا فعلا في زمن بتاع مظاهر وفلوس، أنا مش طايق كلمة من حد ولا نصيحة، أنا أقرب واحد لنفسي”.
اعتزال على قدورة
في وقتًا سابق، كان علي قدورة قد أعلن اعتزاله الغناء بشكل نهائي، مؤكدًا أنه لا يفكر في العودة إلى تقديم المهرجانات مرة أخرى، وأن قراره جاء بعد التزامه بالصلاة، معتبرًا أن هذه الخطوة غيرت حياته بالكامل، كما كشف عن حذف جميع أغانيه من قناته الرسمية على "يوتيوب"، والتبرع بجزء من أمواله، إلى جانب استثمارها في مشروع خاص، مؤكدًا أنه وجد في هذا الطريق راحة وبركة أكبر.
