المطرب نهاد يكشف لـ"كارافان": كواليس أغنية "ويلي" لفيلم "ريد فلاج"
تحدث المطرب نهاد لـ"كارافان" عن كواليس تحضير أغنية "ويلي" لفيلم "ريد فلاج"، موضحًا مراحل العمل عليها بداية من الفكرة، مرورًا بفهم أحداث الفيلم وكتابة الكلمات واللحن، وصولًا إلى التسجيل والوصول للشكل النهائي للأغنية.
المطرب نهاد يكشف كواليس أغنية “ويلي”
وقال نهاد: "الموضوع بدأ إني كنت مع أحمد حاتم وعرضت عليه إني كنت عايز أجرب أعمل أغنية للفيلم، وفعلاً اشتغلنا عليها، وحاتم كان معانا في الموضوع عشان نقدر نوصل لأكثر حاجة تكون بتعبر عن الفيلم، واشتغلنا على الأغنية كذا مرة لحد ما قدرنا نوصل لأقرب شكل يليق باللي بيحصل في الفيلم في الوقت ده".
وأضاف: "إحنا اشتغلنا على الأغنية على طول أول ما الفكرة قدامنا إن إحنا نقدر نشتغل على حاجة، اتكلمت مع حاتم وكلمني عن الفيلم وأحداثه، وأكلمت مع المؤلف أحمد محيي عشان نقدر نفهم القصة كويس جدًا، وبعد كده القصة اتنقلت لمحمد شافعي الشاعر، وهو اللي بدأ يكتب الكلام وأقرب كلام لأحداث الفيلم".
وتابع: "وأنا لحنت الأغنية أنا وعمر الشربيني، بدأنا نعيد صياغة اللحن، وإحنا كان معانا لحن بدأنا نعدل فيه على الكلام الجديد اللي بيتكتب والتغيرات اللي بتحصل فيها، وسجلنا الأغنية وعدلنا فيها كذا مرة طبعًا".
وأشار نهاد إلى دور أحمد حاتم في متابعة تفاصيل الأغنية، قائلًا: "حاتم كان متواجد بشكل كبير جدًا في الاستديو والتسجيل، وكان حريص يشرف على ده عشان الفيلم، فهو كان مهتم جدًا بالمشروع كله وحضر معايا تسجيل الأغنية".
فيلم ريد فلاج يتصدر الإيرادات
وحقق فيلم "ريد فلاج" إيرادات تخطت حاجز مليوني جنيه، بعدما سجل 2,305,187 جنيهًا في شباك التذاكر، وفقًا لبيانات موقع Film Yard الظاهرة في تقرير إيرادات السينما بتاريخ 9 سبتمبر 2026.
ويواصل الفيلم منافسته في دور العرض، متصدرًا قائمة الإيرادات اليومية وفق الأرقام المنشورة، فيما يشارك في بطولته أحمد حاتم وجميلة عوض وعدد من الفنانين.
