محمد إمام: "عمري ما حطيت حد في دماغي وده اتعلمته من أبويا"

خرج الفنان محمد إمام عن صمته ليوضح حقيقة ما أثير مؤخرًا حول منشور نُسب فهمه إلى الهجوم على شخص بعينه، مؤكدًا أن حديثه لم يكن موجهًا لأي فرد، بل جاء بشكل عام دون استهداف.
 

محمد إمام: عمري ما حطيت حد في دماغي

وقال محمد إمام، في منشور عبر حسابه الرسمي على موقع «فيس بوك»، إنه فوجئ بتفسيرات خاطئة لكلامه، موضحًا: «مش عارف ليه في ناس فهمت إن أنا نزلت بوست لشخص محدد، أنا عامله ليهم كلهم»، مشددًا على أنه لم يضع يومًا أي شخص في دائرة المنافسة الشخصية، ولن يفعل ذلك مستقبلًا.
 

دروس من عادل إمام ورسالة شكر للجمهور

وأضاف إمام أن ما تعلمه من والده الزعيم عادل إمام هو التركيز على العمل فقط، مؤكدًا أن كونه نجل أكبر نجم في تاريخ الفن العربي لم يكن أمرًا سهلًا، وأن الوصول لما حققه حتى الآن جاء بعد مجهود كبير ودعم متواصل من الجمهور، قائلًا إن حب الناس هو الدافع الحقيقي لاستمراره ونجاحه.
 

المنافسة تصنع الأفضل

واختتم محمد إمام رسالته بالتأكيد على أن المنافسة بين الفنانين أمر صحي، لأنها تدفع الجميع لتقديم أفضل ما لديهم، وهو ما يصب في النهاية في مصلحة الجمهور، موجّهًا الشكر لكل من يسانده ويؤمن بموهبته، ومؤكدًا أن جمهوره يحتل مكانة خاصة في حياته.

كلام محمد إمام نصًا كما كتبه عبر صفحته الرسمية على فيسبوك:

"أنا مش عارف ليه في ناس فهمت إن أنا نزلت بوست لشخص محدد ..انا عامله ليهم كلهم 😀😀😀😀

و نتكلم جد شوية..

أنا عمري لا حطيت حد ولا هحط حد في دماغي و ده اللي اتعلمته من ابويا ربنا يخليه لينا ..

اني أكون ابن أكبر نجم في التاريخ و وصلت للي انا فيه دلوقتي ده ماكنش سهل أبداً وبحمد ربنا عليه كل يوم ..

و ده كان بفضل حبكم و دعمكم ليا بعد فضل ربنا سبحانه و تعالى ..

يعني أنا أصلاً فيا اللي مكفيني 😀😀

و حقيقي بتمنى الخير للجميع ..

المنافسة دي بتخلينا نطلع أحسن ما فينا و كل ده في صالح الجمهور العظيم اللي زيكم ..

بشكر كل اللي بيحبني ..

أنا بحبكم أكتر بكتير و انتوا أهم حاجة في حياتي بعد عيالي الحمدلله..

محمد إمام، الكينج"