رسالة مؤثرة من تامر حسني لمحمد سامي بعد اعتزاله
حرص الفنان تامر حسني، على دعم المخرج محمد سامي، بعدما أعلن قرار إعتزاله الأخراج الدرامي بشكل نهائي، عقب إنتهائه من جميع التزماته وعقود مسلسلاته والذي تمت بمسلسل سيد الناس وإش إش في دراما رمضان 2025.
وعلق تامر حسني على منشور المخرج محمد سامي، كاتبًا: "أوعى تكون عايز تبعد عشان أي إحباط جايز يكون فعلاً في بعض المشاهد اللي الناس إنتقدتها وأنا شخصياً إستغربتها شويه وقولت جوايا أنك مش محتاج تعملها أصلاً لأن عندك الحقيقي والأهم بس على رأيك الفنون جنون أحياناً فكره مجنونه تنال الإعجاب و فكره لأ".
محمد سامي مفشلش ولا مرة
وأضاف تامر حسني: “بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره ويمكن الحظ محالفكش أوي في عمل ولا ٢ على مدار ١٤ سنه ودي حاجه مينفعش الجمهور ينساهالك هزعل منك لو هتمشي محبط و أنت أنجح حد … الشجره الخضراء الجميله ساعات بيطلعلها”.
تامر حسني لـ محمد سامي: “خد راحة وارجع أقوى من الأول”
وتابع: “أنا عارف إن محمد سامي اللي أكتشفته أنا وقدمته للصناعه وهو عنده ٢٧ سنة لايمكن هيتهز ممكن يزعل يومين ويراجع نفسه في مشاهد أنا مبسوط منك أنك بمنتهى الشجاعه الأدبيه أعتذرت على تقديمها خد راحه شوية وإرجع أقوى من الأول و أنا واثق من اللي هتسافر عشانه أنه قرار هيضيف نقله كبيره لمشوارك”.
وشدد تامر حسني في تعليقه: “أوعى تخلي الزعل من بعض المشاهد ينسيك أنت قدمت ايه للدراما ياريت قبل ما نقسوا على سامي بالطريقه دي نفتكر هو أمتعنا سنين قد ايه بمسلسلاته".
تامر حسني لـ محمد سامي “هفضل أخوك الكبير وفي ضهرك”
وأختتم تامر حسني تعليقه، كاتبًا: "ربنا ينور طريقك وترجع أقوى وأقوى من أي وقت واثق فيك يا حبيبي وأنا هفضل أخوك الكبير وفي ضهرك إن شاء الله طول العمر يا بطل”.
إش إش وسيد الناس
ويشارك محمد سامي في دراما رمضان 2025 بمسلسلين، 30 حلقة، الأول هو مسلسل “إش إش” الذي تقوم ببطولته زوجته مي عمر، والثاني هو مسلسل “سيد الناس” الذي يقوم ببطولته عمرو سعد.
