"حسيت إني اتحررت ما اتحرمتش".. أسما شريف منير تتخلى عن أظافر الچل تقربا إلى الله

أعلنت أسما شريف منير عن قرارها التخلي عن أظافر الچل، مؤكدة أن الخطوة جاءت بدافع ديني ورغبة في التقرب إلى الله، وذلك بعد فترة من الشد والجذب بداخلها.

ونشر أسما شريف منير، مقطع فيديو عبر حسابها الرسمي بموقع "إنستجرام"، تستعرض فيه أظافرها، ورافقته بتعليق مطول، أوضحت فيه أنها مرت بحالة من التردد والصراع الداخلي بعد سماعها المتكرر أن أظافر الجل قد تمنع الوضوء والصلاة، قائلة: ""بدأت أسمع الجملة اللي بتتقال كده بسهولة، بس بتقعد جوا ده ممكن يمنع الوضوء والصلاة.. في الأول تجاهلت.. بعدين لقيت نفسي بسأل سؤال وجعني.. هو أنا برضي ربنا ولا برضي نفسي؟ .. فضلت فترة في شد وجذب .. نفسي بتقول دي حاجة بسيطة ما تكبريش الموضوع .. وقلبي بيقول بس لو في احتمال يبعدني عنه ليه أكمل؟".

وأضافت أنها وصلت إلى لحظة صدق وهدوء، أدركت خلالها أن القرب من الله لا يظهر فقط في الأفعال، بل في القدرة على التخلي عن أشياء نحبها من أجله، قائلة: "وفي لحظة هادية.. مش درامية ولا فيها بطولة.. لحظة صدق بس.. حسيت إن القرب من ربنا مش بيبان في الحاجات اللي بعملها قد ما بيبان في الحاجات اللي بحبها.. وبعرف أسيبها عشانه.. وكنت فاكرة معنى بيطبطب عليا كل ما أتردد.. لما بتقربي من ربنا خطوة.. بتلاقيه بيقرب منك أكتر".

أسما شريف منير تتخلى عن أظافر الچل تقربا إلى الله

وتابعت أسما شريف منير أنها قررت إزالة أظافر الجل رغم حبها لها، معتبرة القرار رسالة صادقة بأن الله أغلى من أي رغبة دنيوية، مضيفة: "فقررت أسيب الچل، مش لأني بطلت أحبه بالعكس سيبته وأنا بحبه، سيبته كأني بقول يا رب أنت أغلى، أول مرة من غيره حسيت إني ناقصة حاجة، بس بعدها على طول حسيت بحاجة أكبر بتتملي سلام، النوع اللي بييجي لما تختاري ربنا على هواكي، حتى لو الهوا كان حلو ومغري .. وبقيت كل ما أضعف أفكر نفسي، اتباع الهوى بيشبع لحظة.. بس طاعة ربنا بتطمن العمر كله".

واختتمت حديثها بالتأكيد على أن مقاومتها لرغبة دنيوية لم تشعرها بالحرمان، بل منحتها إحساسًا بالتحرر، قائلة: "والأغرب إني لما قاومت رغبة دنيوية، ما حسيتش إني اتحرمت، حسيت إني اتحررت".